АБНА24 Хәбәр Верир, Доналд Трампын күрәкәни вә баш мәсләһәтчиси Жаред Кушнер Сәудијјә Әрәбистаны вә Бәһрејнин, бүтүн Исраил учушларынын өлкәләри үзәриндән кечмәсинә иҹазә вердикләрини сөјләјиб. Бу мәлумата әсасән, Кушнер дејиб: "Ҝөрүрүк ки, Ријад вә Манама бүтүн Исраил режимин учушларынын онларын һава мәканындан истифадә етмәсинә иҹазә верибләр вә бу вә бу Исраил үчүн әлверишли бир гыса јолдур”. О, хатырладыб: “Јахын Шәрг дәјишмәкдәдир вә артыг әрәб өлкәләри Исраил режими-Фәләстин мүнагишәсинин онларын инкишафына мане олмасыны истәмирләр. Реҝион халглары Фәләстин башчыларынын мөвгеләринә дүзә билмирләр. Фәләстинлиләр дәрһал данышыглар масасына ҝәлмәлидирләр”. “Бизим сүлһ планымыз “әсрин сөвдәләшмәси” һәлә дә маса үзәриндәдир вә әҝәр фәләстинлиләр данышыглар масасына гајыдарларса, бу планын инкишафы мүмкүн олаҹаг", -дејә Кушнер әлавә едиб. Гејд едәк ки, сионист режим вә Әмирлик рәсмиләри Вашингтонда олараг, мүнасибәтләрин нормаллашдырылмасына даир бир мүгавилә имзаламаг нијјәтиндәдирләр. Бу имзалама мәрасиминдә Трамп да иштирак едәҹәк. Ҝөрүшүн сентјабрын сон һәфтәсиндә баш тутаҹағы ҝөзләнилир. Фәләстинин мүгавимәт груплары Әбу-Дабинин һәрәкәтини тәнгид едәрәк, БӘӘ-нин мүгавимәтин бәдәнинә зәһәрли бир хәнҹәр салдығыны вурғулајыблар.
342/
