АБНА24 Хәбәр Верир, әзифәләриндән кәнарлашдырылмыш сәуд һәрби шәхсијјәтләри арасында Јәмән савашында сәуд коалисјасынын команданы олмуш корпус ҝенералы Фәһд бин Турки Али-Сәуд да вар. Тәҹавүзүн башланмасындан 2018-ҹи илин февралынадәк Јәмән савашында танынмыш сәуд команданларындан олан корпус ҝенералы Фәһд бин Турки коррупсија бәһанәси вә Муһәммәд бин Салманын ҝөстәриши илә вәзифәсиндән узаглашдырылыб. Амма хәбәрләрдә, ардыҹыл мәғлубијјәтләри вә Јәмәнә гаршы һәрби әмәлијјатлара ики ил јарым команданлыг етдији дөврдә һеч бир гәләбә әлдә етмәмәси, бин Туркинин кәнарлашдырылмасынын сәбәби кими ҝөстәрилир. Мүсаһибә: «Бин Турки» һәдди вә сәвијјәсиндә олан бир шәхсијјәтин кәнарлашдырылмасы, мәғлубијјәтин гәбул едилмәси демәкдир. Әрәбистан һазырда өзүнүн бүтүн мәғлубијјәтләрини бу кәнарлашдырманын көлҝәси алтында ҝизләтмәјә чалышыр. Сәуд гүввәләри вә онларын муздлулары Фәһд бин Туркинин команданлығы дөврүндә ағыр мәғлубијјәтләрә уғрадылар. 2019-ҹу илин сонунда кечирилән «Нәсрин Мин Әллаһ» вә 2020-ҹи илин февралында «Әлбунјан Әлмәрсус» әмәлијјатлары тәҹавүзкарлара өлүмҹүл зәрбәләр ендирди. Бу ики әмәлијјат Јәмән ордусунун, 9-ҹу ҹәбһәдән вә Нәҹран әразисиндән 350 квадрат-километрә јијәләнмәсилә нәтиҹәләнди. Мүсаһибә: Бу кәнарлашдырма сәудијјә үчүн утанҹҝәтириҹидир. Зира онлар Јәмән савашында гадын вә ушаглары өлдүрмәкдән савајы һеч бир наилијјәт әлдә етмәјибләр. Јәмәнин ордусу вә халг комитәләри дөјүш ҹәбһәләриндә әсас гәрар чыхаран тәрәфләрдәндирләр. Мәлуматлы мәнбәләрин сөзләринә ҝөрә, сәуд вәлиәһди алтыиллик саваша ҝиришин уғурсузлуғунун мәсулијјәтини, кәнарлашдырылмыш шаһзадәнин үзәринә атмаг нијјәтиндә иди. Һәмчинин әлдә олан мәлуматлар ҝөстәрир ки, бин Туркинин кәнарлашдырылмасы Әбу-Дәбинин истәји вә онун, әмирликләрин гүввәләринин команданлығы илә ихтилафына ҝөрә һәјата кечирилибдир. Һәр һалда, Фәһд бин Туркинин кәнарлашдырылмасынын бүтүн заһири дәлилләри бир јана галсын, сәудларын алтыиллик мүһарибәдә мәғлуб олмаларына әсла ҝөз јуммаг олмаз.
342/
