АБНА24 Хәбәр Верир, бу сөзләри Иран Хариҹи Ишләр Назирлијинин мәтбуат катиби Сәид Хәтибзадә мәтбуат конфрансында журналистләрин Игнасио Касисин Теһрана сәфәри илә бағлы суалларыны ҹавабландыраркән дејиб. "Исвечрәнин хариҹи ишләр назири өнҹәдән планлашдырылмыш гајдада шәнбә ҝүнү сәһәр Ирана ҝәләҹәк вә илк өнҹә Исфаһан шәһәринә гыса сәфәри олаҹаг" дејә Хәтибзадә билдириб. Игнасио Касисин Исфаһана олан сәфәринин ардынҹа базар ҝүнү Теһранда Иран-Исвечрә әлагәләринин 100 иллији мүнасибәтилә хүсуси мәрасимин тәшкил едиләҹәјиндән хәбәр верән Хәтибзадә Исвечрә хариҹи ишләр назиринин Иран президенти, хариҹи ишләр назири вә бир сыра диҝәр дөвләт рәсмиләри илә ҝөрүшәҹәјини дә дејиб. Исвечрә хариҹи ишләр назиринин Ирана сәфәри базар ертәси ҝүнү дә давам едәҹәк. Хәтибзадә Исвечрә Хариҹи Ишләр Назиринин Теһрана олан сәфәри заманы мүзакирә олунаҹаг әсас мәсәләләрин икитәрәфли әлагәләр, реҝионал вә бејнәлхалг мәсәләләр һабелә, малијјә каналына даир мөвзулар олдуғуну билдириб. Иран Хариҹи Ишләр Назирлијинин мәтбуат катиби даһа сонра дејиб: Билдијиниз кими бундан өнҹә Исвечрәнин малијјә каналы васитәсилә 2 дәфә көчүрмә әмәлијјаты һәјата кечирилиб. Бу әмәлијјатларын һәр икиси Иранын Исвечрә банкларындакы һесабларындан һәјата кечирилиб. Бу көчүрмәләр дәрман препаратларынын алынмасы үчүн олуб.
342/
