АБНА24 Хәбәр Верир, Бу ҹәмијјәт вурғулајыб ки, әгидә азадлығы бәһанәсилә Гурани-Кәримә һөрмәтсизлик әслиндә азадлығын өлдүрүлмәси вә әгидәнин ҹинајәткарҹасына тикә-тикә едилмәси демәкдир. Августун 28-дә Исвечин Малмө шәһәриндә сағчы екстремист груплар ганунсуз вә иҹазәсиз анти-Ислам нүмајишиндә бир ҹилд Гурани-Кәрими јандырдылар. Һәмчинин франсыз «Ҹһарлие Һебдо» нәшри өтән чәршәнбә ахшамы ҝүнү јени бир һәјасызлыгда әзиз Ислам Пејғәмбәри(с.ә.с.) барәдә һөрмәтсиз вә галмагаллы карикатуралары јенидән дәрҹ етди. Гум Дини Елмләр Һөвзәсинин Мүәллимләр Ҹәмијјәти ҹүмә ҝүнү јајдығы бир бәјанатда вурғулајыб: Гурани-Мәҹидин мүгәддәслијинә гаршы һөрмәтсизлик вә шәрәфли илаһи сәһифәләрин јандырылмасы кими шәр вә кәдәрли һадисә бөјүк вә бағышланмаз бир ҹинајәтдир. Гум Дини Елмләр Һөвзәсинин Мүәллимләр Ҹәмијјәтинин бәјанатында даһа сонра белә гејд олунуб: Бејнәлхалг һүгуг органлары зәнҹирвари вә мәгсәдјөнлү һөрмәтсизликләрә гәтијјәтлә ҹаваб вермәли вә бир милјард 500 милјон нәфәрдән чох мүсәлманын тәфәккүр вә етигадыны мүдафиә етмәлидирләр.
342/
