АБНА24 Хәбәр Верир, Фәләстинли групларын баш катибләри дүнән ахшамчағы видеоформатда вә Рамуллаһ вә Бејрутда ејни заманда кечирилән иҹласын сонунда Фәләстин мәсәләсини арадан ҝөтүрмәк вә фәләстинлиләрин гануни һүгугларына ҝөз јуммаг үзрә фитнәләри рәдд едибләр. Билдирибләр ки, Гүдсә, һәмчинин мүсәлман вә христиан мүгәддәсләринә гаршы һеч бир тәҹавүз гәбуледиләси дејилдир. Бу бәјанатда Фәләстин халгынын гануни һүгугларынын мүдафиәси үчүн халг мүгавимәтинин ҝенишләндирилмәси вә ҝүҹләндирилмәси, һәмчинин фәләстинлиләрин ишғалчыларла мүбаризә үчүн гануни васитәләрдән истифадә үзрә һаггына тәкид олунубдур. Фәләстинли групларын баш катибләри һәмчинин Фәләстин өлкәсинин тәшкили вә сионист режимин гәсбкарлығына сон гојмаг истигамәтиндә стратежи һәдәфләрә наил олмаг үчүн халг иштиракы вә барышығынын реаллашмасы вә ихитлафлара сон гојулмасынын сүрәтләндирилмәсини зәрури һесаб едибләр. Фәләстинли групларын баш катибләринин иҹласында сионист режимин фитнәләри илә мүбаризә үчүн реҝионал вә бејнәлхалг амилләрин фәаллашдырылмасы вә ишғалчы режимлә дөјүш гајдалары нәзәрдән кечирилиб вә иҹлас иштиракчылары бејнәлхалг низамнамәләр чәрчивәсиндә ишғал олунмуш Фәләстин әразиләриндә гәсбкар режимлә мүбаризәнин васитәләри вә механизмләри барәдә разылыға ҝәлибләр. Бу иҹласда һәмчинин әһатәли милли мүгавимәт команданлығы үчүн ваһид милли комитәнин тәшкили һагда разылыг әлдә олунуб. Белә ки, иҹра комитәси онун ишинин давам етмәси үчүн лазым олан бүтүн васитәләри тәмин етмиш олсун. Фәләстин Ислами Мүгавимәт Һәрәкаты- Һәмас-ын сијаси бүросунун сәдри, Ислами Ҹиһад Һәрәкатынын баш катиби, Фәләстин Мухтаријјәтинин башчысы, Фәләстин Демократик Ҹәбһәси вә Фәләстин Халг Ҹәбһәсинин баш катиб мүавинләри фәләстинли групларын баш катибләринин иҹласында иштирак едибләр.
342/
