АБНА24 Хәбәр Верир, Али Рәһбәрин бу ҝүн етдији бир чыхышда БӘӘ-нин сионист режимлә мүнасибәтләринин нормаллашмасынын Ислам дүнјасына, әрәб дүнјасына вә бөлҝә өлкәләринә вә Фәләстин мөвзусуна хәјанәт олдуғуну вурғуламасы әрәб медиасында ҝениш резонанс доғуруб. Әл-Ҹәзирә бу барәдә билдириб: Иран Ислам Ингилабынын Рәһбәри БӘӘ-нин һәм Ислам, һәм дә әрәб дүнјасына, һәм дә Фәләстинә вә бөлҝә халгларына хәјанәт етдијини вурғулады. Һәмин Гәтәр шәбәкәси, һәмчинин Ислам Ингилабынын Али Рәһбәринин БӘӘ-нин сионист режимлә мүнасибәтләринин нормаллашмасынын бөлҝә халгларынын мәнафејинә зидд олдуғуну гејд етдијини билдириб. Спутник Әрәби јазыб: Иран лидери БӘӘ-јә хәјанәтин узун сүрмәјәҹәјини вә Исраил илә разылашмадан сонра алынларында дамға ләкәсинин галаҹағыны вурғулады. Әл-Минар каналы да бу мөвзу илә бағлы билдириб: Иран Ислам Ингилабынын Рәһбәри, Әмирликлиләрин Ислама вә әрәб милләтләринә вә Фәләстин мәсәләсинә хәјанәт етдијини вә бунун алынларында галаҹаг бир рүсвајчы ләкә олдуғуну вурғулады. Һәмин Ливан шәбәкәси, Ислам Ингилабынын Али Рәһбәринин, Әмирликлиләрин тезликлә ојанаҹағыны вә дүзәлишләр едәҹәјини үмид етдијини билдириб. Әл-Әһд хәбәр сајты јазыб: Иран Ислам Ингилабынын лидери БӘӘ-нин Әрәб вә Ислам дүнјасына вә Фәләстинә хәјанәт етдијини вә бу хәјанәтин узун сүрмәјәҹәјини сөјләди. Һәмин Ливан хәбәр порталы Али Рәһбәрин диҝәр ачыгламаларыны да әһатәли әкс етдириб. Әл-Мәјадин шәбәкәси дә билдириб: Иран Ислам Ингилабынын лидери, Әмирликлиләрин бөлҝәјә сионистләрин ајағыны ачдығына вә Фәләстин мәсәләсини унутдуғуна диггәт чәкди. Һәмин шәбәкә Али Рәһбәрин дедикләриндән ситат ҝәтирди: “Бу хәјанәт узун сүрмәјәҹәк, амма дамғасы онларын алынларында галаҹаг.” Мәлумата ҝөрә, диҝәр әрәб КИВ-ләри дә бу ҝүн Али Рәһбәрин дедикләрини ҝениш ишыгландырыб.
342/
