АБНА24 Хәбәр Верир, Суријанын рәсми хәбәр аҝентлији САНА-нын мәлуматына ҝөрә, Хариҹи Ишләр Назирлијинин бәјанатында дејилир: "Түркијә гурулушу вә онун муздлулары АБШ һөкумәтинин дәстәји илә судан мүлкиләрә, о ҹүмләдән ушаглар, гадынлар вә јашлылара гаршы бир силаһ кими истифадә едир вә бу, бејнәлхалг ганунлар вә Ҹеневрә Конвенсијасына әсасән, мүһарибә ҹинајәти вә бәшәријјәтә гаршы ҹинајәтдир". Суријанын Хариҹи Ишләр Назирлији бу ҹинајәтин давам етмәси барәдә хәбәрдарлыг едәрәк, судан бир мүһарибә васитәси кими истифадә едилмәсинин дәһшәтли һуманитар нәтиҹәләрә ҝәтириб чыхараҹағыны елан едиб. Суријанын Хариҹи Ишләр Назирлији, һәмчинин БМТ вә хүсусилә бу тәшкилатын Инсани мәсәләләр үзрә координасија бүросуну вә Авропа Иттифагына үзв өлкәләри бунунла бағлы өһдәликләринә әмәл етмәјә чағырыб. Түркијә вә онун дәстәкләдији террорчулар ики һәфтә әввәлдән бәри Суријанын шималындакы Әл-Һәсәкә вилајәтинин ичмәли сујуну кәсибләр. Түркијәнин бу һәрәкәтинин фонунда Әл-Һәсәкә вә онун әтрафында јашајан 1,5 милјондан чох Сурија вәтәндашы ичмәли су чатышмазлығы илә үзләшибләр. Бу елә бир һалдадыр ки, Сурија да дүнјанын диҝәр өлкәләри кими, коронавирус пандемијасы илә үз-үзәдир.
342/
