АБНА24 Хәбәр Верир, Мәһәммәд Ҹавад Зәриф бу барәдә Твиттер-дә пајлашдығы видеомүраҹиәтдә данышыб. Мәһәммәд Ҹавад Зәриф твиттер-дә јајдығы бу видеомүраҹиәтдә неҹә дејәрләр, «онларын дилиндән» бу суалы вериб: Ҝөрән, Американын нүвә анлашмасынын иштиракчысы кими БМТ Тәһлүкәсизлик Шурасынын 2231 сајлы гәтнамәсинә сөјкәнмәјә һаггы чатырмы? Бу видеода АБШ президенти Доналд Трампын 2018-ҹи ил мајын 8-дә етдији чыхышдан бир һиссә нүмунә ҝәтирилиб…. Трамп белә дејир: Бу ҝүн елан едирәм ки, Бирләшмиш Штатлар Иранла нүвә анлашмасындан чыхыр. Бу видеомүраҹиәтдә Зәриф һәмчинин Американын Ирана гаршы гәтнамә гәбул етдирмәк вә силаһ санксијасыны узатмаг үзрә сәјинин уғурсуз галмасы вә БМТ Тәһлүкәсизлик Шурасынын он үч үзвүнүн Ирана гаршы санксијаларын ҝери гајтарылмасы саһәсиндә Американын тәзјигләри илә мүхалифәтинә ишарә едиб. Зәриф өз мүраҹиәтиндә дејиб: Америка нүвә анлашмасындан вә 2231 сајлы гәтнамәдән рәсми вә ашкар шәкилдә чыхдыгдан сонра һәмин гәтнамә илә бағлы өзүнә һеч ҹүр һагг верә билмәз. АБШ дөвләт катиби Мајк Помпео ҹүмә ахшамы ҝүнү БМТ Тәһлүкәсизлик Шурасынын сәдринә мәктуб тәгидм едәрәк, Ираны нүвә анлашмасыны позмагда иттиһам етди вә рәсмән Ирана гаршы санксијаларын ҝери гајтарылмасыны истәди. Американын/ нүвә анлашмасына вә 2231 сајлы гәтнамәјә әсасән ләғв едилмиш Ирана гаршы санксијаларын ҝери гајтарылмасы барәдәки рәсми әризәсинин БМТ Тәһлүкәсизлик Шурасына тәгдим едилмәсиндән бир ҝүн сонра- ҹүмә ҝүнү, дөрд даими вә доггуз гејри-даими үзвү дахил олмагла шуранын он үч үзвү ачыг шәкилдә елан етди ки, Американын тәләбинин һеч бир гануни әсасы јохдур.
342/
