АБНА24 Хәбәр Верир, Јунаныстан һәрби ҝәмисинин Түркијәнин «Оруҹ Реис» кәшфијјат-газма ҝәмисинә јахынлашмасы Јунаныстан илә Түркијәнин Аралыг дәнизи суларынын мүлкијјти вә енержи ресурслары үстүндәки ихтилафларыны јени мәрһәләјә дахил едиб. Түркијә президенти Јунаныстана хәбәрдарлыгла дејиб: «Оруҹ Реис» ҝәмисинә һүҹумун ағыр нәтиҹәләри олаҹаг. Рәҹәб Тајјыб Әрдоған Франса башда олмагла Авропа өлкәләринин Афинанын Аралыг дәнизиндәки сијасәтләринә дәстәк вермәләрини тәнгид едиб. Билдириб ки, онлар өзләрини олдугларындан даһа бөјүк ҝөрмәмәли вә өзләрини ҝөстәрмәк ардынҹа олмамалыдырлар. Әрдоған әлавә едиб: Түркијәнин диҝәр өлкәләрин һүгугларында ҝөзү јохдур вә һүгугларыны позаҹаг һәр һансы бир һәрәкәт гаршысында да сусмајаҹагдыр. Бундан өнҹә Франса президенти Еммануел Макрон Түркијәдән истәмишди ки, Аралыг дәнизиндәки кәшфијјат-газма әмәлијјатларыны дајандырсын. Макронун һәдәләјиҹи месажы истигамәтиндә Франсанын мүдафиә назирлији билдириб ки, “Рафаел” типли ики гырыҹыны вә “Ла-Фајт” есминесини Шәрги Аралыг дәнизинә ҝөндәрәҹәк.
342/
