АБНА24 Хәбәр Верир, Азәрбајҹанла Иран арасында мүмкүн гәдәр мәсафә јаратмаг гондарма режимин мәтбу органларында өз әксини тапмагдаыр. Жерусалем Пост гәзетиндә Александер Голденстајн адлы јазарын мәгаләсиндә дејилир: Ачыг данышаг, Иран – Исраил үчүн реал тәһдиддир. Иран Исраили мәһв етмәјә чағырыр. Икинҹи Һолокост Иран рәһбәрлијинин әсл истәјидир. Ајәтуллаһ режими Исраили вә Азәрбајҹаны даһа да јахынлашдырыб вә бу өлкәләри тәбии мүттәфиг едиб, чүнки һәр икиси Ираны екзистенсиал тәһлүкә кими ҝөрүр. Нәтиҹәдә, Азәрбајҹан јәһуди дөвләти илә мүнасибәтләри мөһкәмләндирмәкдә чох мараглыдыр. Сионист көшә јазары һәмин мәгаләдә вурғулајыр: “Чичәкләнән вә тәһлүкәсиз Азәрбајҹан тәкҹә Исраилин сәмәрәли игтисади тәрәфдашы дејил, һәм дә Теһрандакы ҝөзләримиз вә гулагларымыздыр.” Мүәллиф гејд едир ки, һәмишә олдуғу кими, Исраил реҝионал чеврәсиндә гејри-әрәб достлуг әлагәләрини инкишаф етдирир. Иран шаһын дөврүндә Исраилин ачыг-ашкар мүттәфиги иди. Түркијә, бөлҝәдәки ән бөјүк достларымызы – Јунаныстан вә Кипри хатырламасаг, – Исраилин чох ваҹиб тәрәфдашы иди вә һәлә дә галыр. Кичик өлкәләрин әлдә едә биләҹәји гәдәр мүттәфигә еһтијаҹы вар вә Азәрбајҹан шүбһәсиз ваҹиб мүттәфигдир. Мүәллиф сонда төвсијә едир ки, һәм Исраил, һәм дә Азәрбајҹан Республикасы Ираны јахындан изләмәлидир; икисинин бөлүшәҹәји шејләр вар. Һерб Кенјон адлы диҝәр бир сионист јазар исә Жерусалем Пост үчүн јаздығы ҝениш мәгаләдә Исраил-Азәрбајҹан әлагәләриндә Иран факторундан бәһс едиб. Мәгаләдә дејилир: Исраилин Азәрбајҹанла мүһүм стратежи мүнасибәтләри вар. О, илк нөвбәдә, Иранла сәрһәддә јерләшир, ејни заманда, Исраилин нефт еһтијаҹынын тәгрибән 40%-ини тәмин едир вә Исраилин апарыҹы силаһ алыҹыларындан биридир. Милли Тәһлүкәсизлик Шурасы башчысынын кечмиш мүавини вә һазырда Гүдс Стратеҝија вә Тәһлүкәсизлик Институтунун витсе-президенти олан Еран Лерман дејиб:“Биз Иранла бағлы бөјүк бир проблемлә үзләширик. Азәрбајҹан буна ҝөрә бизим үчүн ваҹибдир вә о, Исраил үчүн бир сыра гәрарлар гәбул едиб, бу, асан иш дејил”. Лерманын сөзләринә ҝөрә, Азәрбајҹан Исраил үчүн чох ваҹибдир: “Ермәнистан дост олмалыдыр, ермәниләрлә һеч бир мүбаһисәмиз јохдур. Анҹаг Азәрбајҹан Исраил үчүн чох бөјүк стратежи әһәмијјәтә маликдир, ҹоғрафи мөвгејинә ҝөрә, үстәлик, Иран халгынын 25%-и азәрбајҹанлыдыр”. “Wикилеакс”-ин ачыгламасына әсасән, Вашингтонун Бакыдакы сәфирлијиндәки сијаси-игтисади мәсләһәтчиси Роб Гаверикин 2009-ҹу ил дипломатик каналла ҝөндәрдији телеграмда Исраилин марагларыны даһа јахшы ифадә едир. О јазыр: “Исраилин Азәрбајҹанла мүнасибәтләри ҝүҹлү прагматизм вә приоритетләрин јүксәк гијмәтләндирмәсинә әсасланыр. Исраилин әсас мәгсәди Азәрбајҹаны Ирана гаршы мүттәфиг, кәшфијјат платформасы вә һәрби тәҹһизат базары олараг горумагдыр”. Азәрбајҹан Исраил үчүн нә дәрәҹәдә ваҹибдир? 2012-ҹи илдә о заманкы хариҹи ишләр назири Авигдор Либерман “Азәрбајҹан Исраил үчүн Франсадан даһа ваҹибдир” дејиб. О заман һәгигәт олан бу ҝүн дә ејни дәрәҹәдә доғрудур. Бу һәм дә о демәкдир ки, о, Исраил үчүн Ермәнистандан даһа ваҹибдир. Чүнки Исраил Иранын шимал сәрһәддиндә бир дост вә бир нефт тәдарүкчүсү тапыб вә Азәрбајҹан силаһ ембаргосуна ҝөрә Гәрбдән сатын ала билмәдији кејфијјәтли силаһлара саһиб олур. Вашингтондакы јәһуди груплары васитәси илә Конгресә вә АБШ администрасијасына јол тапыр. Ермәниләрин Вашингтонда чох ҝүҹлү лоббиси вар, азәрбајҹанлыларын јохдур вә илләр әрзиндә Вашингтондакы јәһуди групларына көмәк үчүн мүраҹиәт едиб- дејә Һерб Кенјон адлы сионист журналист өз мәгаләсини јекунлашдырыр. Азәрбајҹан Республикасынын рәсми органлары сионистләрин мүсәлман өлкәсиндән неҹә өз чиркин мараглары үчүн вә Иранын әлејһинә фајдаландлгларына даир ачыг етирафларына һәлә ки мүнасибәт билдирмәмишләр.
342/
