АБНА24 Хәбәр Верир, ИРИБ-ин НЈу Јорк бүросунун мәлуматына ҝөрә, Иранын БМТ-дәки сәфири Мәҹид Тәхти Раванчи дүнән ҝеҹә АБШ-ын Ирана гаршы јени гәтнамә лајиһәсинә реаксијада, өз Твиттер сәһифәсиндә јазыб: "Тәһлүкәсизлик Шурасына үзв өлкәләрин мүхалифәти илә АБШ бир даһа Ирана гаршы силаһ ембаргосу илә бағлы ирәли сүрдүјү гәтнамә лајиһәсиндән ҝери чәкилмәјә мәҹбур олду вә бу ҝүн башга бир версија тәгдим едти ки, бу да 2231 сајлы гәтнамәнин позулмасы демәкдир. "Јени гәтнамә лајиһәси маһијјәт вә һәдәф бахымындан кечмишдәки нүмунәләрин охшарыдыр; Әмин олун ки, Тәһлүкәсизлик Шурасы бир даһа ону рәдд едәҹәк", -дејә Мәҹид Тәхти Раванчи әлавә едиб. Трамп администрасијасы БМТ Тәһлүкәсизлик Шурасынын тәсдигләдији вә бејнәлхалг бир анлашма олан Әһатәли Мүштәрәк Тәшәббүс Програмыны мәһв етмәк мәгсәдилә өтән һәфтә бу шураја гәтнамә лајиһәси тәгдим едиб. Бунунла да о,Ирана гаршы силаһ ембаргосу, һабелә јени санксијалар тәтбиг етмә јолуну ахтарыр. Гулдурлуг, тәһдид вә тамаһландырма јолу илә өз һәдәфинә наил олмағы дүшүнән Трамп Һөкумәтинин Шура үзвләри, о ҹүмләдән авропалылар вә диҝәр геји-даими үзвләрлә мүхтәлиф гери-рәсми ҝөрүшләр сүбут етди ки, БМТ ашырымындан кечмәк о гәдәр дә асан олмајаҹаг. Одур ки, АБШ-ын БМТ-дәки даими нүмајәндәси өзүнүн 13 сәһифәлик гәтнамә лајиһәсини дөрд параграфадәк азалдараг, аҹизликлә 2231 сајлы гәтнамәдәки мөвҹуд мәһдудијјәтләрин Шура гәрарыны верәнәдәк узадылмасыны истәјиб.. Шура үзвләринә јерли вахтла чәршәнбә ҝүнү сәһәр саатларынадәк өз рәјләрини билдирмәк үчүн фүрсәт верилиб. Ондан сонра чох еһтимал ки, сәс вермә ҹүмә ахшамы вә ја ҹүмә ҝүнү кечириләҹәк. Бахмајараг ки, Чин вә Русијанын мөвгејинә әсасән, бу гәтнамә лајиһәси тәсдиг олунмајаҹаг, лакин бу ики өлкәнин вето һүгугундан истифадә етмәк үчүн јетәрсаја чатмагда ҹидди шүбһәләр мөвҹуддур.
342/
