АБНА24 Хәбәр Верир, БМТ-нин мүтәхәссисләри ҹүмә ҝүнү Иран вә Јәмәнә гаршы биртәрәфли санксијаларын ләғв едилмәсини истәјәрәк, һуманитар ҝүзәштләрин кафи олмадығыны билдирибләр. БМТ-нин мүтәхәссисләри һуманитар ҝүзәштләрин бу өлкәләрдә коронавирус инфексијасы илә мүбаризәдә еффектли олмадығыны гејд едибләр. БМТ мүтәхәссисләринин бәјанатында дејилир: Санксијалар Иран, Сурија, Јәмән, Судан, Куба вә Венесуела халгларына өлүм вә аҹыдан башга бир шеј вермир. Инсан һаглары адына тәтбиг едилән санксијалар әслиндә инсанлары ән примитив һүгугларындан мәһрум едир вә онлары өлүмә сүрүкләјир. БМТ-нин биртәрәфли санксијаларын мәнфи тәсирләри үзәри хүсуси мәрузәчиси Алена Вуһан гејд едилән өлкәләрә гаршы санксијаларын ләғв едилмәли вә ја азалдылмалы олдуғуна тәкид едиб вә дејиб: Коронавирус пандемијасы дөврүндә инсанлар илкин еһтијаҹларыны тәмин вә дезинфексија васитәләри әлдә етмәјә гадир олмалыдырлар. Хәстәханалар да коронавирус хәстәләринә хидмәт ҝөстәрә билмәк үчүн лазыми имканлара малик олмалыдырлар. Биртәрәфли санксијалар инсанларын илкин һүгугларындан фајдаланмасына мәнфи тәсир ҝөстәрир. Бундан өнҹә Гырмызы Хач вә Гызыл Ајпара кими бејнәлхалг тәшкилатлар да коронавирус илә мүбаризә истигамәтиндә мүхтәлиф өлкәләрә гаршы биртәрәфли санксијаларын ләғв едилмәсини истәмишдиләр. АБШ исә инсан һаглары иддиасында олмасына бахмајараг, пандемија дөврүндә санксијалары бир гәдәр дә сәртләшдириб.
342/
