АБНА24 Хәбәр Верир, Иранын Гырмызы Ајпара Ҹәмијјәтинин мүхтәлиф дәрман препаратларына вә модул типли хәстәханаја шамил олан Ливана илк һуманитар јардымларыны дашыјан тәјјарә Бејрут бејнәлхалг һава лиманында јерә ениб. Иранын Гырмызы Ајпара Ҹәмијјәтинин сәдри Кәрим Һеммәти дејиб: Бу јүк, дәјәри 150 мин доллар олан 15 тондан чох дәрман препаратларына вә тибби ләвазиматлара, еләҹә дә 55 тон мүхтәлиф гида маддәләринә вә бир модул типли хәстәханаја шамил олур. Бу истигамәтдә отуз нәфәрлик бир тибб групу да Бејрута ҝөндәрилибдир. Һеммәти һәмчинин Иран хәстәханаларында ливанлы јаралыларын гәбул едилмәләринә һазырлығын олмасына тохунараг, дејиб: Илкин дәјәрләндирмәдән вә гаршыдакы ҝүнләрдә еһтијаҹын елан олунмасындан сонра гида маддәләри, һәмчинин дәрман вә тибб ләвазиматларынын ҝөндәрилмәси давам едәҹәк. Бундан өнҹә Ливан Гызыл Хач Ҹәмијјәтинин сәдри Ҹорҹ Кәттанә Иранын Гырмызы Ајпара Ҹәмијјәтинин сәдри илә телефон сөһбәтиндә билдирмишди ки, Бејрут јаралылара вә зәрәчәкәнләрә хидмәтләрин ҝөстәрилмәси үчүн Иранын Гырмызы Ајпара Ҹәмијјәтинин јардымларына еһтијаҹ дујур.
342/
