АБНА24 Хәбәр Верир, Ливан Һизбуллаһы бу ҝүн сәһәр саатларында бир бәјанат јајараг, Бејрут лиманында баш вермиш һадисә нәтиҹәсиндә һәлак оланларын вә јаралыларын аиләләринин кәдәрини бөлүшәрәк, вурғулајыб: "Бу аҹынаҹаглы фәлакәт, онун дағынтылары вә тәһлүкәли фәсадлары бүтүн ливанлыларын мүхтәлиф инсани, сәһијјә, иҹтимаи вә игтисади сәвијјәләрдә бирләшмәсини вә интеграсијасыны, һәмчинин бу ағрылы әзабы архада гојмаг үчүн бирҝә сәјләрини зәрури едир". Ливан Һизбуллаһы Тибб ишчиләри, һуманитар јардым груплары, јанғындан мүһафизә вә тәһлүкәсизлик групларынын фәалијјәтини јүксәк дәјәрләндириб вә онлара инсанлары хилас етмәјә чалышдыглары вә бүтүн имканларыны Ливан халгына јардым етмәјә сәфәрбәр етдикләри үчүн дәрин миннәтдарлығыны билдириб. Гејд едәк ки, дүнән ахшам саатларында Бејрут лиманында дәһшәтли бир партлајыш баш вериб; Ливанын Ҝөмрүк Идарәсинин баш директору партлајыша нитрат маддәсинин сәбәб олдуғуну билдириб. Ливанын Сәһијјә Назирлијиндән верилән сон статистикаја әсасән, бу һадисәдә 73 нәфәр һәлак олуб, үч мин 700 нәфәр исә јараланыб.
342/
