АБНА24 Хәбәр Верир, рәсми Варшава сон модел гырыҹыларын Русија вә Беларус сәрһәдләри јахынлығында јерләшдирилмәсинин, илк нөвбәдә Полша Һәрби Һава Гүввәләри үчүн тәһлүкәли олдуғундан еһтијат едир. Гејд едәк ки, Полша илкин мәрһәләдә “Ф-35”ләрин Русијанын Калининград вилајәтиндән 80 км вә Беларусун Минск-Мазоветски, Брест әјаләтиндән 160 км мәсафәдә олан Малборкда јерләшдирилмәсини планлашдырса да, сонда бу фикрдән имтина едиб. Нәшрин билдирдијинә ҝөрә, Полша һәрбчиләри белә бир мәсафәдә “Ф-35А” гырыҹыларын јерләшдириләҹәји мәканын руслар үчүн мәлумат мәнбәјинә чевриләҹәјини баша дүшүбләр. Полшалыларын фикринҹә, гаршы тәрәф "ҝөрүнмәз учаг”ларын радар вә инфрагырмызы сигналларыны өјрәнмәјә башламаг фүрсәтини әлдән вермәјәҹәк. Буна ҝөрә дә сөзүҝедән гырыҹыларын даһа етибарлы әразидә јерләшдирилмәси нәзәрә алыныб . Варшава “Ф-35А”ларын өлкәнин шимал-гәрбиндә - Алманија илә сәрһәди јахынлығындакы Свидвин бөлҝәсиндә јерләшдирмәји даһа мүнасиб һесаб едир. Хатырладырыг ки, АБШ-ын 32 әдә “Ф-35А” моделинин Полшаја 4,6 милјард доллара сатылмасы 2019-ҹу илин августунда тәсдигләнмишди. Илк “Ф-35А” гырыҹыларынын 2026-ҹы илдә Полша ордусунун арсеналына дахил олмалыдыр. Мәлумат үчүн билдирәк ки, һәр тәјјарәнин гијмәти 87 милјон доллардыр.
342/
