АБНА24 Хәбәр Верир, Трамп өз шәхси твиттер сәһифәсиндә јазыб: Шәһәрләр вә штатларда һөкумәт биналарына вә федерал мәһкәмәјә гаршы тәхрибат төрәдән анархистләр вә етиразчылар тәгиб вә он ил һәбс едиләҹәкләр. АБШ президенти бундан өнҹә билдирмишди ки, әҝәр Портленддә федерал гүввәләр тоггушмалара дахил олмасајдылар, Портленд али мәһкәмәсинин бинасы вә федерал әмлак бир ҝүн белә давам ҝәтирмәзди. Трамп федерал тәһлүкәсизлик мәмурларыны ијулун әввәлләриндә, Портленддәки етиразларын гызғын чағында һәмин мәкана ҝөндәрди. Трампын бу һәрәкәти тәнгидләрә сәбәб олду. Зира федерал забитләр намәлум кимликлә вә ганунсуз шәкилдә етиразчылары һәбс едирдиләр. Портленддә федерал забитләр өз танынма кодларыны ҝизләтмәклә ҝөзјашардыҹы газла мүхалифләрә һүҹум едирдиләр. Онлар һәмчинин етиразчылары дөјәрәк, ганунсуз шәкилдә онлары һәбс етдиләр. Афроамерикалы Ҹорҹ Флојдун АБШ полиси тәрәфиндән гәтлә јетирилмәсиндән сонра Американын мүхтәлиф штатларыны үмумөлкә етиразлары бүрүдү. Ағдәрилиләрин сон аксијадакы иштиракы Америкада әсасы гојулмуш расизмә гаршы етиразларын хас ҹәһәти иди.
342/
