АБНА24 Хәбәр Верир, бу барәдә Ермәнистан һөкумәтинин саjтында jерләшдирилән стратеҝиjанын мәтниндә билдирилир. Геjд олунур ки, Ермәнистан һәм икитәрәфли, һәм дә чохтәрәфли форматларда мүдафиә вә тәһлүкәсизлик саһәләриндә Русиjа илә һәрби-сиjаси, һәрби вә һәрби-техники әмәкдашлығы инкишаф етдирмәjә давам едиб. Сәнәддә, һәмчинин вурғуланыр ки, Ирәван үзв-өлкәләрин марагларынын еффектив шәкилдә горунмасы вә структурун институсионал имканларынын ҝенишләндирилмәси наминә Коллектив Тәһлүкәсизлик Мүгавиләси Тәшкилаты (КТМТ) чәрчивәсиндә бирҝә тәшәббүсләрдә актив шәкилдә иштирак едир. Бу истигамәтдә Ермәнистан тәшкилатын еффективлиjинин артырылмасы вә үзв өлкәләринин бири-биринә мүнасибәтдә мүттәфиглик өһдәликләринин jеринә jетирилмәси истигамәтиндә ишләрини давам етдирәҹәк. Сәнәддә АБШ-ла әмәкдашлыг контекстиндә һәрби-сиjаси мәсләһәтләшмәләрин вә институтларын ислаһатларына jөнәлән гаршылыглы әлагәләрин ваҹиблиjи вурғуланыр. Сәнәддә, һәмчинин сиjаси, тиҹари-игтисади, мүдафиә вә мәдәни-һуманитар саһәләрдә Русиjа илә стратежи вә мүттәфиглик әлагәләринин инкишафы Ирәванын хариҹи сиjасәтиндә әсас приоритетләри кими ҝөстәрилир.
342/
