АБНА24 Хәбәр Верир, һәр ики хүсуси нүмаjәндә Һиндистан-Чин сәрһәд бөлҝәсинин гәрб һиссәсиндә баш верән сон һадисәләрә даир сәмими вә дәрин фикир мүбадиләси апарды. Һәр ики хүсуси нүмаjәндә Һиндистан-Чин сәрһәд бөлҝәсиндә сүлһ вә әмин-аманлығын горунмасынын икитәрәфли мүнасибәтләрин даһа да инкишаф етдирилмәси истигамәтиндә ваҹиб олдуғуну вә ики тәрәф арасында фикир аjрылығынын мүбаһисәjә сәбәб олмасына jол верилмәмәси үчүн тәрәфләрин лидерләринин разылашмаjа рәһбәрлик етмәсини гәбул етдиләр. Беләликлә, сүлһ вә әмин-аманлығын там шәкилдә бәрпасы үчүн фактики сәрһәд ролуну оjнаjан нәзарәт хәтти боjунҹа гошунларын гыса заманда тамамилә ҝери чәкилмәси вә Һиндистан-Чин сәрһәд бөлҝәсиндә ҝәрҝинлиjин азалдылмасынын тәмин едилмәсинин зәрурилиjинә даир разылыға ҝәлдиләр. Бунунла әлагәдар олараг һәр ики тәрәф фактики сәрһәд ролуну оjнаjан нәзарәт хәтти боjунҹа гошунларынын ҝери чәкилмәси просесини сүрәтлә баша чатдырмаг барәдә разылыға ҝәлдиләр. Һәр ики тәрәф Һиндистан-Чин сәрһәд бөлҝәсиндә тәдриҹән вә мәрһәләли шәкилдә мүнагишәнин сонландырылмасыны тәмин етмәлидир. Һәр ики тәрәфин фактики нәзарәт хәттинә ҹидди шәкилдә һөрмәтлә jанашмалы олдуғуну вә статус-квону дәjишдирмәк үчүн биртәрәфли аддым атмама вә ҝәләҹәкдә сәрһәд бөлҝәләриндә сүлһ вә әмин-аманлығы поза биләҹәк һәр һансы бир һадисәнин баш вермәмәси үчүн бирликдә ишләмәли олдугларынына даир бир даһа билдирилди. Һәр ики хүсуси нүмаjәндә jухарыда геjд едилән нәтиҹәләрә наил олмаг үчүн тәрәфләрин дипломатик вә һәрби рәсмиләринин Һиндистан-Чин сәрһәд мәсәләси үзрә Мәсләһәтләшмә вә Әлагәләндирмә Ишчи Механизми (WМҸҸ) чәрчивәсиндә мүзакирәләри давам етдирмәләри вә әлдә едилмиш узлашманы вахтында һәjата кечирмәләри барәдә разылыға ҝәлдиләр. Хүсуси нүмаjәндәләр һәмчинин икитәрәфли мүгавилә вә протоколлара уjғун олараг Һиндистан-Чин сәрһәд бөлҝәсиндә сүлһ вә әмин-аманлығын там шәкилдә вә давамлы бәргәрар олмасыны тәмин етмәк үчүн данышыгларын давам етдириләҹәjинә даир разылыға ҝәлдиләр.
342/
