АБНА24 Хәбәр Верир, ҹәрәjанын Бағдаддакы офисиндә кечирилән бу ҝөрүшдә тәрәфләр сәһиjjә бөһраны, Ирагын гоншулар вә дүнjа өлкәләри илә гәнаәтбәхш мүнасибәтләри вә нефт гиjмәтинин тәнәззүлүндән ирәли ҝәлән игтисади проблемләрлә мүбаризә барәдә мәшвәрәт едибләр. Коронавирус епидемиjасы илә мүбаризә үзрә сәjләрин артырылмасынын ваҹиблиjини вурғулаjан Һәким вә Салиһ бир даһа бу вирусла мүбаризәнин өн хәтти кими мүалиҹә кадры вә шәфгәт ишчиләринин, еләҹә дә иҹтимаи вә дини групларын сәjләринә ҝөрә тәшәккүр едәрәк, бунунла гүрур дуjдугларыны билдирибләр. Ҝөрүшдә геjд олунубдур ки, бу коалисиjанын гаршысында вәтән, һөкумәтин горунмасы вә онун мөһкәмләндирилмәси кими мүһүм мәсәләләр дурур вә "Ирагиjjун" коалисиjасынын гапысы һөкумәтә вә онун горунмасына инананларын һамысынын үзүнә ачыгдыр. Ирагда "Милли Һикмәт" ҹәрәjанынын рәһбәри Сеjjид Әммар Һәким өтән чәршәнбә ахшамы ҝүнү 1920-ҹи ил Ираг ингилабынын jүзүнҹү илдөнүмү ҝүнүндә ири вә әһатәли «Ирагиjjун» парламент коалисиjасынын тәшкил едилдиjини билдирди.
342/
