АБНА24 Хәбәр Верир, сессиjада гәбул олунмуш диҝәр гәрарла "Һонконг Хүсуси Инзибати Әразисиндә милли тәһлүкәсизлиjин горунмасы үчүн һүгуг системинин вә һүгугун тәтбиги механизмләринин jарадылмасы вә тәкмилләшдирилмәси һаггында" ганун Һонконгун Әсас Ганунуна 3-ҹү әлавәjә дахил едилиб. Чин рәсми мәнбәләри һәмин ганунун Һонконгун мухтариjjәт статусуну вә "Бир дөвләт, ики систем" принсипини позмадығыны ачыглаjыб. Билдирилир ки, Һонконгда милли тәһлүкәсизлик һаггында ганун вә мүвафиг иҹра механизмләринин jарадылмасы милли тәһлүкәсизлиjә ҹидди зиjан вуран һәрәкәтләрин саjыны мүмкүн гәдәр азалтмаға jөнәләҹәк. Бу ганун Һонконгун һүгуг системини дәjишмәjәҹәк, әразинин инзибати сәлаһиjjәтләринә, ганунвериҹилик һүгугуна, мүстәгил мәһкәмә һакимиjjәтинә вә гәти һөкм чыхармаг һүгугуна тәсир ҝөстәрмәjәҹәк. Геjд едәк ки, ганун лаjиһәси башда АБШ олмагла Гәрбин кәскин етиразына сәбәб олуб. Онлар бу ганунун Һонконгун мухтариjjәт статусуну вә "Бир дөвләт, ики систем" принсипини позаҹағыны иддиа едирләр. Иjунун 17-дә "Бөjүк jеддиләр" (Ҝ7) групунун Хариҹи Ишләр назирләринин бирҝә бәjанатында Чин бу ганунун гәбулуну даjандырмаға чағырылыб. Өтән һәфтә исә АБШ Сенатында “Һонконгун мухтариjjәти акты” гәбул олунуб вә бунун ардынҹа дөвләт катиби Маjк Помпео Вашингтонун Һонконгда азадлыгларын позулмасына вә бөлҝәнин мухтариjjәтини сарсытмаға мәсулиjjәт дашыjан Чин Коммунист Партиjасынын вәзифәли шәхсләринә гаршы виза мәһдудиjjәтләри тәтбиг едәҹәjини ачыглаjыб.
342/
