Абна24 хәбәр верир, Әрәб Лигасынын Фәләстин вә ишғал олунмуш әрәб әразиләри мәсәләләри үзрә баш катиб мүавини Сәид Әбу Әли сионист режимин Суриjанын ишғал олунмуш Ҹөвлан бөҝәсиндә Трамп гәсәбәси салмасыны писләjәрәк, деjиб ки, бу һәрәкәт ганунсуз бир һәрәкәтдир. Сәид Әбуәли сонра деjиб: Әрәб Лигасы һәр ҝүн сионист режимин мүсадирә, дағынты вә сионист гәсәбә салма һәрәкәтләри гаршысында даjанан Суриjа халгынын мүбаризәсини һимаjә едир. Сионист режим базар ҝүнү ишғал олунмуш Ҹөвлан jүксәкликләриндә Трампын адына jени бир сионист сакинли гәсәбәнин салынмасынын башланмасындан хәбәр верди. Сионист режимин назирләр кабинети өтән милад илиндә Трамп гәсәбәсинин салынмасы лаjиһәсини гәбул едәрәк, билдирди ки, бу гәсәбәни АБШ президенти Доналд Трампын сионист режимин ишғал олунмуш Ҹөвлан jүксәкликләриндәки һакимиjjәтини танымасына миннәтдарлыг әламәти олараг, онун ады илә адландырыбдыр. Трамп өтән ил мартын 25-дә беjнәлхалг ганунлара зидд ҝедиб, БМТ Тәһлүкәсизлик Шурасынын гәтнамәләрини позараг, Вашингтонун сионист режимин ишғал олунмуш Ҹөвлан jүксәкликләриндәки һакимиjjәтини танымасына даир бир фәрман имзалады. Трамп бу фәрманы сионист режимин баш назири Бенjамин Нетанjаһунун һүзурунда Вашингтонда имзалады. Трампын бу һәрәкәти беjнәлхалг сәвиjjәдә писләнилди. Сионист режим 1967-ҹи илдә Ҹөвлан jүксәкликләриндә Суриjа әразисиндән тәгрибән 1200 квадрат километри гәсб вә бир мүддәт сонра бу бөлҝәни диҝәр ишғал олунмуш әразиләрә гатды. Дүнjа иҹтимаиjjәти бу илһагы һеч вахт танымаjыбдыр. Тәһлүкәсизлик Шурасы да бу бөлҝәни ишғал олунмуш әрази адландырыбдыр. АБШ һөкумәти исә сионист режимин ишғалчылығынын һимаjәдарыдыр.
342/
