Абна24 хәбәр верир, Һәмас һәрәкатынын сиjаси бүросунун сәдр мүавини Салеһ Әларури сионист-американ «әсрин сөвдәләшмәси» планы илә мүбаризә етмәк истигамәтиндә Гәззә шәһәриндә кечирилән бир халг jығынҹағында сионист режимин баш назири Бенjамин Нетанjаһуjа хитабән вурғулаjыб ки, Фәләстин халгы вә фәләстили груплар бу режимин ҹинаjәтләри гаршысында бирликдә даjанаҹаг вә өз әразиләрини горуjаҹаглар. Әларури сонра деjиб: Сионист режимин Америка һөкумәти илә коалисиjасы вә бәзи әрәб өлкәләринин бу режимлә мүнасибәтләринин адиләшдирилмәси үзрә сәjләри Фәләстин халгынын ирадәси гаршысында мәғлуб олаҹаг. Һәмас һәрәкатынын сиjаси бүросунун үзвү Хәлил Әлһиjjә дә бу jығынҹагда һәмин һәрәкатын сионист режимлә силаһлы мүбаризәjә һазыр олдуғуну вурғулаjараг, гәрб саһилиндән ҝениш әразиләрин ишғалы планы илә мүбаризә үчүн бүтүн Фәләстиндә ҝениш ингилабын едилмәсини истәjиб. О, һәмчинин гәрб саһилинин ишғалы илә мүбаризә истигамәтиндә конкрет иш програмынын ишләниб һазырланмасы үчүн мүгавимәт групларынын һәмкарлығынын ваҹиблиjини вурғулаjыб. Сионист режим сионист-американ «әсрин сөвдәләшмәси» планына әсасән вә Америка президенти Доналд Трамп һөкумәтинин һимаjәләри илә иjулун әввәлләриндә гәрб саһилнин отуз фаизини ишғал олунмуш әразиләрә гатмаг ниjjәтиндәдир. Дүнjа үзрә бир чох өлкә, шәхсиjjәт, сиjаси вә дини рәсми гәрб саһилиндән бәзи һиссәләрин сионист режим тәрәфиндән гәсб едилмәси планыны писләjибләр.
342/
