Абна24 хәбәр верир, “Уол Стрит Ҹоурнал” нәшринин Брүссел мүхбири өз твиттер һесабында директорлар шурасынын ҝәлән һәфтә кечириләҹәк иҹласы әрәфәсиндә Атом Енержиси үзрә Беjнәлхалг Аҝентлиjин вәзиjjәтини гарышыг адландырыб. О, jазыб: Мән бу фикирдәjәм ки, директорлар шурасынын ҝәлән һәфтә Вjанада кечириләҹәк иҹласы әрәфәсиндә ачыг-ашкар чахнашма һөкм сүрүр. Буну билирәм ки, америкалылар Иранын мүаһидә разылашмалары мәсәләсиндә аҝентликлә һәмкарлыг етмәмәсини писләмәк истигамәтиндә бир гәтнамә һагда разылашманын әлдә олунмасыны истәjирләр. О, амма деjир ки, Американын ҹәһди Русиjа вә Чинин дәстәкләрини газанмаjаҹаг, зира Русиjанын Вjанада jерләшән беjнәлхалг тәшкилатлардакы нүмаjәндәси Михаил Улjанов бир нечә ҝүн бундан өнҹә твиттер-дә белә jазмышды: Атом Енержиси үзрә Беjнәлхалг Аҝентлиjин Директорлар Шурасы ҝәлән һәфтә виртуал шәкилдә иҹлас кечирәҹәк. Биз бүтүн мөвзулар барәдә дәриндән сөһбәт едә биләрик, амма сәсвермә мүмкүн деjилдир, зира бу ҹүр хас вәзиjjәт үчүн әлагәдар үсуллар барәдә бир разылашма мөвҹуд деjилдир. Русиjа Гәрб өлкәләринин Иранын һәмкарлыг етмәмәси барәдәки иддиаларыны һәмишә рәдд едибдир. Улjанов твиттер-дә jазыб: Атом Енержиси үзрә Беjнәлхалг Аҝентлиjин Ирандакы ики саjта әлчатанлығындакы проблемләр мүәjjән гәдәр бу ҝерчәкликдән мәншә алыр ки, аҝентликдә үчүнҹү өлкәләр тәрәфиндән әлдә олунан информасиjалардан истифадә барәдә аjдын гаjдалар мөвҹуд деjилдир. О, һәмчинн бир твиттер месажында jазыб: Иран әлчатанлығы рәдд етмәjибдир. Иран Атом Енержиси үзрә Беjнәлхалг Аҝентлиjин һаггыны шүбһә алтына алмаjыбдыр вә мәшвәрәтләри давам етдирмәjә һазырдыр.
342/
