Абна24 хәбәр верир, Иран Ислам Республикасынын һүгуг-мүһафизә гүввәләринин сәрһәд команданы бригада ҝенералы пасдар Әһмәд Әли Гудәрзи Иранын ҹәнуб-шәргиндә jерләшән Систан вә Бәлучестан вилаjәти сәрһәдчиләринин ҝениш кәшфиjjат тәдбирләринә ишарә едиб вә белә деjиб: Гачагмалчыларын еһтимал олунан ҝедиш-ҝәлиш мәканынын ашкар едилмәсиндән сонра Иранын сәрһәд гүввәләри кәшфиjjат дәстәjи вә әмәлиjjат истигамәтләндирмәсилә гачагмалчыларын һәрәкәт jолларыны нәзарәтә алараг, бағлаjыблар. Онлар сүрәтли вә мәгсәдjөнлү әмәлиjjат кечирмәклә гачагмалчылары тәләjә сала билибләр. Иран Ислам Республикасынын һүгуг-мүһафизә гүввәләринин сәрһәд команданы билдириб ки, бу әмәлиjjатда 2 тон 320 килограм тирjәк ашкар едилиб. О, сонра деjиб: Иранлы сәрһәдчиләр тоггушма мәканынын тәмизләнмәсиндә һәмчинин бир әдәд автомобили даjандырыб, мүәjjән мигдарда силаһ вә сурсат ашкар вә мүсадирә едә билибләр. Бригада ҝенералы Гудәрзи Систан вә Бәлучестан вилаjәти сәрһәдчиләринин зәһмәт вә сәjләрини jүксәк гиjмәтләндириб вә белә сөjләjиб: Ислами Иранын сәрһәдләри сәрһәдчиләрин ҝеҹәли-ҝүндүзлү иштиракы, диҝәр кәшфиjjат вә тәһлүкәсизлик органларынын һәмкарлығы вә сәрһәд бөлҝәләри сакинләринин һәмишәки һимаjәләри илә там тәһлүкәсизликдә, амма гачагмалчылар вә тәҹавүзкарлар үчүн һәр бир диҝәр замандакындан тәһлүкәлидир. Иран дүнjада наркотик маддәләр гачагмалчылығы илә мүбаризәнин өн хәтти кими бу jолда 3 мин 500 миндән чох шәһид вә минләрлә jаралы верибдир.
342/
