АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, ИИР президенти Һәсән Руһани бу ҝүн Түркийә президенти Рәҹәб Тәййиб Әрдоған илә телефон сөһбәтиндә коронавирусун йайылмасы нәтиҹәсиндә дөвләтләр вә халгларын бир чох проблем вә чәтинликләрлә гаршы-гаршыйа дурдугларыны хатырладараг дейиб: Иран вә Түркийә чәтин ҝүнләрдә вә проблемләр заманы бири-биринин кәнарында дурдугларыны исбатладылар.
Руһани Иранын коронавирус илә мүбаризәдәки уғурлу тәҹрүбәләринә тохунараг ики өлкә рәсмиләринин гаршылыглы олараг бу саһәдәки тәҹрүбәләрин мүбадиләсинә тәшәббүс ҝөстәрмәләрини вурғулайыб.
ИИР президенти Американын Иран халгына гаршы залымҹасына санксийаларына, Бейнәлхалг Валйута Фондунун бу ағыр шәраитдә Ирана кредит вермәси гаршысында манеәләр йаратмасына тохунараг дейиб: Бу ҝүн бүтүн өлкәләр Американын анти-бәшәр тәзйигләри гаршысында гәтиййәтли вә айдын мөвге тутмалыдырлар.
Руһани Иран, Түркийә вә Русийа президентләринин Астана проссеси чәрчивәсиндә разылашмаларын иҹрасы истигамәтиндәки данышыгларыны өнәмли һесаб едиб вә дейиб: Һамы Сурийа халгынын вә реҝион халгларынын стабиллик вә сакитлийә малик олмасына сәй ҝөстәрмәлидир.
Түркийә президенти дә Американын Ирана гаршы санксийаларыны писләйәрәк дейиб: Иран вә Түркийә арасындакы тиҹарә мүбадиләләри сәһиййә мәсәләләринә риайәт едилмәклә давам етдирилмәлидир вә ики өлкә бу ағыр ҝүнләри бири-бири илә әмәкдашлыг едәрәк архада гойаҹаг.
Рәҹәб Тәййиб Әрдоған Астана проссеси чәрчивәсиндә Иран, Түркийә вә Русийа президентләринин, еләҹә дә Иран-Түркийә Әмәкдашлыглары үзрә Али Шуранын иҹласынын видео конфранс форматында кечирилмәсини тәклиф едәрәк, Иран, Түркийә вә Русийанын Астана проссеси чәрчивәсиндәки разылашмаларынын иҹрасыны вурғулайыб, реҝионда атәшкәсин сүлһ вә сабитлийин бәргәрар олунмасынын әһәмиййәтинә тәкид едиб.
.............
340
23 aprel 2020 - 07:03
Xəbər kodu: 1028988
Иран Ислам Республикасы президенти Теһран илә Анкара арасында гаршылыглы, реҝионал вә бейнәлхалг саһәләрдә әмәкдашлыглар вә мүнасибәтләрин инкишаф етдирилмәси вә мөһкәмләндирилмәсинин ваҹиблийини вурғулайыб вә дейиб: Иран илә Түркийә арасында тиҹарәт мүбадиләләри сәһиййә протоколларына там риайәт едиләрәк давам етдирилмәлидир.
