АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәсән Руһани дүнән Гәтәр әмири Шейх Тәмим бин Һәмәд Али Сани илә телефом сөһбәтиндә Американын Ирана гаршы тәзйигләри вә залымҹасына санксийаларынын бейнәлхалг ганунлары поздуғуну билдириб. Дейиб ки, АБШ рәсмиләри Бейнәлхалг Валйута Фонду тәрәфиндән Ирана кредитин өдәнилмәсинин гаршысыны алмагла инсани принсипләри позурлар.
Руһани коронавирусла мүбаризә саһәсиндә Иранын програм вә аддымларына ишарә едиб. О, һәмчинин бу вируса йолуханларын мүалиҹәси, игтисади, идари вә тәһсил фәалиййәтләринин һәйата кечирилмәси үчүн лазыми сийасәтләринин йеридилмәсинә тохунуб вә белә дейиб: Теһран өз тәҹрүбәләрини бүтүн өлкәләрә, хүсусән Гәтәрә өтүрмәйә һазырдыр.
Иран президенти һәмчинин сәуд коалисийасынын Јәмәнә гаршы һүҹумларынын, бу өлкәдә гырығын вә дағынтыларын давам етмәсиндән тәәссүф ифадә едиб. Дейиб ки, реҝионда давамлы тәһлүкәсизлик вә сабитлийин тәмин едилмәсинин реҝион өлкәләри арасында һәмкарлыг вә достлугдан башга һеч бир диҝәр йолу йохдур.
Гәтәр әмири дә Американын Ирана гаршы санксийаларынын залымҹасына олмасына тохунуб. Дейиб ки, бу ҝүн дүнйа хас бир шәраитдәдир вә Америка өз санксийаларыны ҝөтүрмәли вә бүтүн өлкәләр дә йени бир шәраит истигамәтиндә һәрәкәт етмәлидирләр.
Иран Ислам Республикасынын президенти һәмчинин Уганданын президенти Јуври Муссовини илә телефон сөһбәтиндә дейиб: Тәәссүфлә, коронавирусдан ирәли ҝәлән сәрт шәраитә рәғмән, Американын Ирана гаршы ганунсуз вә залымҹасына санксийалары давам едир.
Уганда президенти дә Американын Ирана гаршы ганунсуз санксийаларындан тәәссүф ифадә едәрәк, дейиб: Бу сәрт шәраитдә инсани мүнасибәтләр өн планда дурмалы вә динҹ йанашы йашамаг принсипи йайылмалыдыр.
.............
340
22 aprel 2020 - 07:58
Xəbər kodu: 1028615
Иран Ислам Республикасынын президенти дейиб: Коронавирус пандемийасындан ирәли ҝәлән һазыркы хас шәраитдә бүтүн өлкәләр бу тәһлүкәли вирусла мүбаризә үчүн бир-биринин кәнарында дурмалы вә АБШ-ын дүшмәнчилик мөвгейи гаршысында өз мөвгеләрини елан етмәлидирләр.
