АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасынын хариҹи ишләр назири Мәһәммәд Ҹавад Зәриф бу ҝүн сәһәр Түркийәнин хариҹи ишләр назири Мөвлуд Чавушоғлу вә Гәтәрин баш назир мүавини вә хариҹи ишләр назири Шейх Муһәммәд бин Әбдуррәһман Али-Сани илә телефон сөһбәтләриндә сон Әфганыстан һадисәләри вә бу өлкәдәки сүлһ просеси әтрафында фикир мүбадиләси апарыб.
Реҝион вә дүнйада коронавирус пандемийасынын сон дуруму вә онунла күтләви мүбаризә йоллары да бу телефон тәмасларында данышылан мәсәләләрдән олубдур.
Зәриф дүнән дә Әфганыстан хариҹи ишләр назирлийинин башчысы Һәниф Әтмәр илә телефонла данышыбдыр.
Иранын хариҹи ишләр назири бу сөһбәтдә Әфганыстандакы мүхтәлиф груплар арасында бирлийин йарадылмасы, бу өлкәдә сүлһ вә сабитлийин бәргәрары, һәмчинин икитәрәфли һәмкарлыгларын ҝенишләндирилмәси ваҹиблийини вурғулайыб.
Зәриф һәмчинин дүнән БМТ-нин баш катиби Антонио Гутерреш илә телефон данышығында Теһранын Әфганыстандакы сийаси бөһранын һәлли вә бу өлкәдә сүлһ просесинин ирәлиләдилмәси барәдәки дипломатик сәйләри һагда мәлумат вә Муһәммәд Әшрәф Гәни, Абдуллаһ Абдуллаһ вә Һәниф Әтмәр дахил олмагла Әфганыстан рәсмиләрилә өз телефон тәмасларынын деталларыны тәгдим едибдир.
.............
340
14 aprel 2020 - 07:20
Xəbər kodu: 1025490
Иранын хариҹи ишләр назири Түркийә вә Гәтәрин хариҹи ишләр назирләрилә телефон сөһбәтиндә Әфганыстандакы сийаси бөһранла бағлы сон олайлар барәдә мәшвәрәт едиб.
