Ингилаб Рәһбәри 1399-ҹу или "истеһсалын сычрайышы" или адландырдылар

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһулузма Хаменеи 1399-ҹу ҝүнәш или мүнасибәтилә етдикләри мүраҹиәтдә илин биринҹи ҝүнүнүн Һәзрәт Муса ибн Ҹәфәр(ә)-ын шәһадәтинин илдөнүмү ҝүнүнә тәсадүф етмәсинә тохунараг, о һәзрәтин мүгәддәс мәгамына салам ҝөндәриб вә сәадәтли Мәбәс байрамы вә тәравәтлә долу Новруз байрамы мүнасибәтилә бүтүн халгы, хүсусән мөһтәрәм шәһид вә мүһарибә әлилләринин аиләләрини, сағламлыг саһәси үзрә ҹиһадчылары вә бүтүн зәһмәткеш хадимләри тәбрик едәрәк, йени или "истеһсалын сычрайышы" или адландырыблар.

Ислам Ингилабынын Бөйүк Рәһбәри 1398-ҹи ҝүнәш илиндә шәһид оланларын, о сырадан мөһтрәм шәһид ҝенерал Гасем Солеймани, шәһид Әбумәһди Әлмуһәндис вә онларла йанашы оланлар башда олмагла һәрәм вә сәрһәд мүдафиәси шәһидләри, һәмчинин Керман һадисәси вә тәййарә гәзасы шәһидләри вә сағламлыг шәһидләринин аиләләринә башсағлығы вериб, 98-ҹи или Иран халгы үчүн тәлатүмлә долу бир ил адландырыб вә белә гейд едибләр: Өтән ил сел илә башлайыб, коронавирусла битди вә ил бойу да зәлзәлә вә санксийалар кими мүхтәлиф һадисәләр баш верди, амма бу һадисәләрин кулминасийа нөгтәси, Американын террор ҹинайәти вә Иран вә Исламын мәшһур сәркәрдәси- ҝенерал Солейманинин шәһадәти иди.

О һәзрәт 98-ҹи илин сынагларыны чәтин сынаглар адландырыб вә һеч бир халгын ачыг-ашкар раһатлыг вә рифаһ ардынҹа олмагла бир йерә чатмадығыны вурғулайараг, сөйләйибләр: Чәтинликләрә галиб ҝәлмәк вә йүксәк әһвал-руһиййә илә онлардан кечмәк, бир халгын гүдрәтли олмасына сәбәб олараг, ҝүҹ вә етибарын әлдә олунмасы демәкдир, елә Иран халгы индийәдәк бу формада проблемләрә үстүн ҝәлиб вә бундан сонра да ҝәләҹәкдир.

Ислам Ингилабынын Бөйүк Рәһбәри сонра дейибләр: Ирана гаршы санксийаларын индийә кими зәрәрләри илә йанашы, мәнфәәтләри дә олуб вә бизи мәҹбур едибдир ки, дахили имканлар йолу илә өлкәнин еһтийаҹлары вә йашайыш ләвазиматларынын әлдә олунмасы фикриндә олмуш олаг вә бу олдугҹа бөйүк һәрәкәт иншааллаһ давам едәҹәкдир.

Һәзрәт Айәтуллаһулузма Хаменеи вурғулайыблар: Өтән ил чәтин бир ил иди вә халгын проблемләри дә аз дейилди, амма чәтинликләрин кәнарында, бәзән мисилсиз башыуҹалыглар мөвҹуд олду вә Иран халгы доғрудан да өзүнү йахшы бүрузә верди.

О һәзрәт өз чыхышларыны өлкәнин истеһсала олан гәти еһтийаҹы барәдә йекунлашдырараг, 1399-ҹу или "истеһсалын сычрайышы" или адландырдылар вә мәсул шәхсләрә хитабән вурғуладылар: Елә һәрәкәт един ки, истеһсалын сычрайышы илә халгын йашайышында дуйулаҹаг дәйишиклик йаранмыш олсун.
............
340