АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иранда мәктәблиләрин ислами ҹәмиййәтләр бирлийи бу ҝүн бир бәйанатда мүхтәлиф бәһанәләрлә Һиндистанда мүсәлманлара ишҝәнҹә верилмәсиндән ниҝаранчылыг едәрәк, бүтүн дүнйа азадлыгсевәрләри вә бейнәлхалг органларын һәрәкәтә кечмәләри ваҹиблийини вурғулайыб.
Бундан өнҹә дә Иранын тәләбә гурумларындан вә халг органларындан бир групу БМТ-нин инсан һаглары үзрә баш комиссары Мишел Бачелетә мәктубда Һиндистанда вәтәндашлыг ганунуна дүзәлишин едилмәсинә ишарә едиб. Билдириб ки, бу ганун Һиндистан халгынын динләри гаршысында айры-сечкилик салыб вә һинд мүсәлманлара даһа артыг тәзйиг ҝөстәрмәк мәгсәдини ҝүдүр.
Иранын тәләбә гурумларындан вә халг органларындан бир групу һинд мүсәлманларын гырғын едилмәләрини писләйәрәк, фактарашдырыҹы комитәнин тәшкилини истәйибдир.
Һиндистан вәтәндашлығы ганунуна дүзәлиш 2019-ҹу ил декабрын 11-дә гәбул олунду. Бу гануна ҝөрә, 2015-ҹи илдән өнҹә мөтәбәр сәнәдләри олмадан Бангладеш, Әфганыстан вә Пакистандан бу өлкәйә дахил олмуш мигрантлар Һиндистан вәтәндашлығыны ала биләрләр, амма бу ганун мүсәлманлара шамил олмур.
Белә бир һалда, екстремист һиндулар Јени-Деһлинин шимал-шәргиндә мәсҹидләри дағыдыб вә мүсәлмансакинли мәһәлләләри бензин бомбалары илә һәдәфә алыблар.
Һинд рәсмиләр тәрәфиндән елан олунмуш статистикалара ҝөрә, өтән бир һәфтә әрзиндәки тоггушмаларда тәгрибән 50 нәфәр өлүб, 300-дән чох инсан да йараланыбдыр.
...........
340
10 mart 2020 - 09:20
Xəbər kodu: 1016193
Иранда мәктәблиләрин ислами ҹәмиййәтләр бирлийи һинд мүсәлманларын екстремист һиндулар тәрәфиндән гырғын едилмәләрини писләйиб.
