АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Бир нүмайәндә һейәтилә Теһрана сәфәр едән Австрийанын хариҹи ишләр назири Александр Шаленберг бу ҝүн сәһәр Иранын хариҹи ишләр назири Мәһәммәд Ҹавад Зәриф илә мүзакирәләринин биринҹи туруна башлайыб.
Тәрәфләр сәмими икитәрәфли мүнасибәтләрин инкишафыны алгышлайараг, онун бүтүн саһәләрдә дәринләшдирилмәси вә ҝенишләндирилмәсини вурғулайыблар.
Нүвә анлашмасы илә бағлы сон олайлар вә авропалы тәрәфләрин өһдәликләри Зәриф-Шаленберг мүзакирәләринин биринҹи турунун ән мүһүм истигамәтләриндән елан олунубдур.
Австрийанын хариҹи ишләр назири Иран Ислам Республикасынын президенти Һәсән Руһани илә дә ҝөрүшмәли вә ондан сонра Иранын хариҹи ишләр назири илә мүзакирәләрин икинҹи турунда иштирак етмәлидир.
Һолландийанын хариҹи ишләр назири Стеф Блок да дүнән Теһранда Иранын президенти вә хариҹи ишләр назири илә ҝөрүшәрәк, онларла икитәрәфли әлагәләр, нүвә анлашмасы, һәмчинин сон реҝионал вә бейнәлхалг олайлар әтрафында фикир мүбадиләси апарыб.
.............
340
24 fevral 2020 - 09:49
Xəbər kodu: 1012850
Иран вә Австрийа хариҹи ишләр назирләри нүвә анлашмасы илә бағлы сон олайлар вә авропалы тәрәфләрин өһдәликләри барәдә данышыблар.
