АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһулузма Хаменеи Иран Ислам Шурасы Мәҹлисинә 11-ҹи чағырыш сечкиләри вә Рәһбәрлик Хобреганы Мәҹлисинә 5-ҹи чағырыш биринҹи ара сечкиләринин илк саатында өз сәсләрини сәс гутуларына салараг, сөйләйибләр: Әввәлән, сечкиләр ҝүнү милли шәнлик ҝүнүдүр. Бу шәнлик мүнасибәтилә бүтүн өлкәдәки әзизләримизи тәбрик едирәм. Икинҹиси, бу ҝүн, халгын вәтәндаш һаггынын реаллашмасы ҝүнүдүр. Үчүнҹүсү, шәри бир борҹдур.
О һәзрәт вурғулайыблар: Һәгигәт будур ки, сечкиләр өлкәнин милли марагларына зәманәт верир. Өлкәнин милли мәнафейинә мараг ҝөстәрәнләр сечкиләрдә иштирак етсинләр.
Ислам Ингилабынын Бөйүк Рәһбәри сөйләйибләр: Мәним төвсийәм будур ки, әввәлән, һамы ҹидди-ҹәһдлә һәрәкәт етсин вә ҝәлиб,/ гәнаәтә ҝәләрәк, нәзәрдә тутдуғу шәхсләрә сәс версин вә бу иши тез бир заманда ҝөрсүн ки, бу, бизим һәмишәки төвсийәмиздир.
Һәзрәт Айәтуллаһулузма Хаменеи вурғулайыблар: Аллаһ-Тааладан истәйирик ки, Иран халгына уғур вә хейир версин. Өз мәрһәмәти вә бәрәкәтини бу халга ҝөндәрсин вә сечкиләри бу өлкә үчүн хейир вә бәрәкәт мәнбәйи гәрар версин.
...........
340
22 fevral 2020 - 09:33
Xəbər kodu: 1012168
Ислам Ингилабынын Бөйүк Рәһбәри вурғулайыблар: Сечкиләр өлкәнин милли марагларына зәманәт верир. Өлкәнин милли мәнафейинә мараг ҝөстәрәнләр сечкиләрдә иштирак етсинләр.
