АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Фәҹр онҝүнлүйүнүн башланмасы илә бир заманда вә Ислам Ингилабы гәләбәсинин 41-ҹи илдөнүмү әрәфәсиндә Ислам Ингилабынын Бөйүк Рәһбәри Һәзрәт Айәтуллаһулузма Хаменеи Иран Ислам Республикасынын баниси Һәзрәт Имам Хомейни(р.ә)-ин пак һәрәминдә олублар.
Ислам Ингилабынын Бөйүк Рәһбәри һәмчинин йүксәк дәрәҹәли шәһидләр- Айәтуллаһ Беһешти, Рәҹайи, Баһонәр вә 7 тир шәһидләринин мәзарлары үстүнә ҝедәрәк, Аллаһ-Тааладан онлар үчүн йүксәк дәрәҹәләр диләйибләр.
Һәмчинин Иран Ислам Республикасы банисинин Ирана тарихи ҝиришинин 41-ҹи илдөнүмү мәрасими халгын мүхтәлиф тәбәгәләринин, шәһид аиләләринин, өлкә вә орду рәсмиләринин, еләҹә дә илаһи динләрин давамчыларынын иштиракы илә Һәзрәт Имам Хомейни(р.ә)-ин пак һәрәминдә кечирилиб.
Белә бир һалда, ингилабчы халгын иштиракы илә Һәзрәт Имам Хомейни(р.ә)-ин Беһешти-Зәһра(с.ә.)-да әйләшдийи мәкан чичәк йағышына бүрүнүб. Мәрасим иштиракчылары Иран Ислам Республикасынын баниси вә Ислам Ингилабынын Бөйүк Рәһбәринин амаллары илә өз әһд-пейманларыны тәзәләйәрәк, шәһидләрин йүксәк дәрәҹәләринә һөрмәт ифадә едибләр.
Ислами Иран мәсҹидләриндә шүкр намазынын гылынмасы, килсәләрин зәнҝләри, гатар вә ҝәмиләрин фитләри, мәктәбләрдә ингилаб сәдасы зәнҝинин чалынмасы, мотосиклетчиләрин парады, Имам Хомейни(р.ә)-ин Теһрандакы Меһарабад һава лиманындан Беһеште-Зәһра(с.ә.)-дәк ҝетдийи йолун чичәк йағышына бүрүнмәси бу ҝүнүн диҝәр тәдбирләриндән олубдур.
...........
340
1 fevral 2020 - 09:39
Xəbər kodu: 1006788
Ислам Ингилабы гәләбәсинин 41-ҹи илдөнүмү мәрасимләри бу ҝүн Иран Ислам Республикасынын баниси Һәзрәт Имам Хомейни(р.ә)-ин Ирана тарихи гайыдышы илә бир заманда, бүтүн Ислами Иранда вә диҝәр өлкәләрдә башланыб.
