Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Ислам Ингилабынын Бөјүк Рәһбәри Авропада тәләбәләрин Ислами Ҹәмијјәтләри Бирлијинин 54-ҹү иҹласына мүраҹиәтиндә билдирибләр: Бу ил сизин иҹласыныз өнәмли һадисәләрлә ејни заманда кечирилир вә бу һадисәләрин һәр бири ислами Иранын вә онун ингилабчы халгынын әзәмәт вә етибарынын ҝөстәриҹисидир.
Һәзрәт Ајәтуллаһүл-үзма Хаменеи бу ҝүн Вјанада сәсләндирилән бу мүраҹиәтдә билдирибләр: Шәһадәтләр, һәрби ҝүҹ нүмајишләри, халгын мисилсиз иштиракы, ҝәнҹләрин ҝүҹлү әһвал-руһијјәси вә сарсылмаз ирадәси, елм вә технолоҝија саһәсиндә минләрлә фәал топлумлар, еләҹә дә Иран боју ҝәнҹләрин бөјүк бир һиссәсиндә дини вә мәнәви јолсечими, бүтүн бунлар мүасир дүнјада ваһид бир феноменин әрсәјә ҝәлмәсиндән хәбәр верир, һансы ки, һәмин феномен тарихин ҝәләҹәјинә дәрин вә тәјинедиҹи тәсирләр бураха биләр.
Ислам ингилабынын бөјүк рәһбәри, ислам ингилабынын икинҹи аддымынын бу феномени камилләшдирмәли олдуғуну билдирәрәк хатырладыблар: Бу давамлы һәрәкәтдә алим вә иманлы ҝәнҹләрә үмид вә ҝөзләнтиләр вар вә сиз тарих јарадан бу сечилмишләр сырасында ола биләрсиниз.
Авропада тәләбәләрин ислами ҹәмијјәтләри бирлијинин 54-ҹү иҹласы шәнбә ҝүнү Австрија пајтахты Вјанада өз ишинә башлајыб.
Диггәт: Хәбәрдән истифадә етдикдә мәнбәјә истинад лазымдыр!
