Ҝенерал Сүлејманинин шәһадәтинин Азәрбајҹанда тәсирләри

Әһли Бејт (әлејһимус сәлам) Хәбәр Аҝентлији АБНА: Сон һәфтәләрдә ҝенерал Һаҹы Гасим Сүлејманинин шәһадәтинин Азәрбајҹан Республикасына тәсирләри бу өлкәнин сијаси вә медиа сәвијјәләриндә арашдырылды. Азәрбајҹан әһалисинин чоху истәр диндарлар олсун, истәрсә дә секулар дүшүнҹәлиләр, хүсусилә дә иҹтимаи-дини гурум вә тәшкилатларын рәһбәрләри Американын Исламын иҝид сәркәрдәсини террор етмәсини вә бу һагда вердији ачыгламаларыны бу шәһид мүсәлман сәркәрдә үчүн ифтихар сајдылар. Лакин бир сыра сијаси үнсүрләр, пантүркчү, анти-Ислам вә сионист даирәләрә бағлы медиалар бу өлкәнин ифтихарлы әһалисинин фикирләри илә мүхалиф олараг ҝенерал Сүлејманијә гаршы һөрмәтсизлијә јол вердиләр.

Азәрбајҹанда фәал пантүркчүләр вә сионистчиләр өлкә әһалисинин фикирләринин әксинә олараг, өз бош иддиаларына дәлил олараг Трамп вә Нетанјаһунун ҝенерал Сүлејмани барәдә әсассыз вә һәгигәтдән узаг иддиаларыны тәкрар едирдиләр. Бәзән дә бу иддиалары јерлиләшдириб анти-Сүлејмани јаланлара әл атыр, тамамилә јалан вә бөһтан олараг Ислам сәркәрдәсинин Азәрбајҹан Республикасы илә дүшмән олдуғуну дејир вә бу јаланлары тиражлајырдылар. Лакин бу јаланлары тиражламаг шәһид Һаҹы Гасим Сүлејманинин пак симасыны ләкәләјә билмәди, үстәлик әкс нәтиҹә дә верди, бу јаланлары јајанлары даһа артыг рүсвај етди.

Диҝәр тәрәфдән Исламын иҝид сәркәрдәси илә ифтихар едәнләрин шәһидин мәсләк вә мәктәби илә фәхр етмәләри үчүн тутарлы дәлилләри вар иди. Онларын арасында Дини Етигад вә Виҹдан Азадлыгларынын Мүдафиә Мәркәзинин (ДЕВАММ) сәдри вә Ҹүмә мәсҹидинин имам ҹамааты Һаҹы Илгар Ибраһимоғлу, Ислам Партијасынын һәбсдә олан сәдри Һаҹы Мөвсүм Сәмәдов, Мүсәлман Бирлији Һәрәкатынын сәдри Һаҹы Тале Бағыров, Һаҹы Абҝүл Сүлејманов вә диҝәр руһани вә фәалларын месажларында дәјәрли фактлар јер алырды. Сон он илдә ҝенерал Сүлејманинин мүҹаһидликләри, Исламы, реҝиону, һәтта дүнјаны чох бөјүк бир бәладан хилас етмәси Азәрбајҹанын дүшүнҹә адамларынын месаж вә чыхышларында јер алмышды. Даһа ҹидди диггәт етмәли вә ҝәләҹәјә аид олан мәсәлә исә ҝенерал Сүлејмани вә онун силаһдашларынын төкүлән пак ганларынын диҝәр өлкәләр кими Азәрбајҹана гојаҹағы тәсирләри үзәриндә дүшүнмәкдир.

Чох ҝүман ки, ҝенерал Сүлејманинин шәһадәтинин Азәрбајҹанда јаратдығы фикри һәрәкат, бу өлкә халгынын Америка вә сионист режимә, Вашингтон вә Тәл-Әвивин террорчу сијасәтләринә өз нифрәтләрини елан етмәләри, шәһид ҝенерал Сүлејмани вә Ислами Ирана севҝиләрини билдирмәләри өтәри вә тез кечиб ҝедән бир мөвзу олмајаҹаг. Елә буна ҝөрә дә бу мүсбәт һәрәкатын мүхалифләри ҝениш тәблиғат компанијасы ишә салараг онун Азәрбајҹанда мүсбәт тәсирләрини азалтмаға сәј едирдиләр. Бу истигамәтдә һәр ҝүн танынмыш адамлардан мүсаһибә алыр, ҝенерал Сүлејманијә гаршы дүшмәнчилик мөвзулу мәгаләләр нәшр едирдиләр. Бүтүн бунлар дүшмәнин ҝенерал Сүлејманинин шәһадәтинин мүсбәт тәсирләриндән бәрк горхдуғуну ҝөстәрирди. Һәтта медиа саһәсиндә тәһлүкәсизлик үнсүрләри арасында Азәрбајҹанын сабиг тәһлүкәсизлик мәмурларындан олмуш Илһам Исмајыл чох һәјасызҹасына тәклиф етди ки, аидијјаты органлар сосиал шәбәкәләрдә ҝенерал Сүлејманијә севҝи вә һөрмәт мөвзулу сөзләр јазан истифадәчиләри вәтән хаини кими танысын вә бу мәсәләни өз ҝүндәлијинә салсын.

Инди дә ҝенерал Сүлејманинин шәһадәтинин Азәрбајҹанда тәсирләринә нәзәр салаг.

Азәрбајҹанда бәсирәтин артмасы
Азәрбајҹан Республикасы әһалиси бундан габаг да ҝенерал Сүлејманинин адыны ешитмишдиләр вә бу иранлы сәркәрдәнин Сурија, Ираг, Ливан вә Фәләстиндә мүҹаһидликләриндән хәбәрләри вар иди. Лакин Гасим Сүлејманинин шәһид олмасы илә иранлы сәркәрдәнин ким олмасыны, онун өрнәјини, мүсәлманлары мүдафиә етмәјин Аллаһ јанында һансы саваб вә мүкафата лајиг олдуғуну билмәјән галмады. Коммунизмин виран олмуш фикирләри үзәриндә гурулмуш ҹамиәјә өтән отуз илдә дә коммунизм галыглары, секулар, гәрбјөнүмлү мәфкурәләр, мултикултурализм һаким олдуғундан, медиалар вә мәдәни мәркәзләр пантүкрчү вә сионист ҹәрәјанларын әлинә кечдијиндән ҹиһад, шәһадәт, һиҹаб, шиә вә мүгавимәт кими мәфһумлар тәблиғат һүҹумларына мәруз галмыш, даима халга төвсијә олунмушдур ки, гәрб дәјәрләри, сионизм достлуғу, боз гурд әфсанәләри кими ҹәрәјанлар гаршысында дөзүм ҝөстәрсинләр, әмәл саһәсиндә дә бүтүн дөвләт вә гејри-һөкумәт имканларындан истифадә едиләрәк зүлм, ишғалчылыг, јадпәрәстлик, позғунлуг, ејш-ишрәтә, һарам ишләрә мәшғул олмаг гаршысында ҹәмијјәтдә тәслим әһвал-руһијјәси јарадылмышдыр. Белә бир ҹәмијјәтдә бирдән-бирә халг хәбәрләрдә Аллаһ јолунда ҹиһад едәнин ганынын төкүлмәсиндән јаранан һејрәтли тәсирләри ҝөрүр.

Мүмкүндүр, бу һадисәнин Азәрбајҹана гәбул етдирилмиш сијасәт вә јанашмаја һеч бир тәсир гојмајаҹағы, бу өлкәнин јенә дә азәрбајҹанчылыг ады алтында пантүркизм тәрвиҹи јолунда галаҹағы вә мултикултурализм ады алтында сионизмин мәгсәдләри истигамәтиндә һәрәкәт едәҹәји дејилсин. Лакин Азәрбајҹан халгынын сосиал шәбәкәләрдә вә реал һәјатда ачыгладығы фикирләри арашдырдыгда онларын фикирләриндә Исламын Аллаһ јолунда шәһадәт, мүҹаһидлик вә фәдакарлыг кими уҹа дәјәр вә мәфһумлары, күфр вә шејтани гүввәләр гаршысында мүгавимәт барәдә чох һејрәтли ојанышын јарандығы ҝөрүнүр. Бу зәка вә ојаныш һәрәкатынын белә тезликлә арадан галхаҹағына инанмаг чох садәлик оларды.

Сөзсүз ки, Азәрбајҹанда мөмин груплар вә тәблиғчиләр бу ојаныш вә бәсирәт просесинин давам етмәсинә тәлаш едәҹәкдир.

Пантүркизм вә сионист тәблиғчиләринин ич үзүнүн ачылмасы
Шәһид Сүлејмани вә силаһдашларынын ганларынын ахыдылмасынын Азәрбајҹан Республикасы халгы үчүн диҝәр бир мүсбәт тәсири дә олду. Бу өлкә халгы “азәрбајҹанчылыг” вә “мултикултурализм” алдадыҹы адлары алтында ҝизләнмиш ҹәрәјан вә үнсүрләрин ич үзүнү ҝөрдү, онларын Азәрбајҹанын мәдәнијјәт вә тарихи илә һеч бир әлагәсинин олмадығыны билди. Неҹә ки, Исламын иҝид сәркәрдәси вә гәһрәманы илә ифтихар едәнләр дәфәләрлә тәкид етмишдиләр ки, Азәрбајҹан Республикасы халгынын зат вә кимлији Әһли-Бејтә (ә) мәһәббәтлә јоғрулуб вә аллаһсыз коммунист режиминин он илләр боју һакимијјәти бу зат вә кимлији Азәрбајҹан халгындан ала билмәмишдир. Инди илләр узуну коммунист, милләтчилик, пантүркизм, сионизм вә гәрб мәфкурә тәлимләринин һүҹумларына мәруз галмыш бир халг өз зат вә кимлији әсасында Әһли-Бејт (ә) мүдафиәчиләринә севҝи сәрҝиләјир вә онларла фәхр едир. Һәмин халг ачыг шәкилдә ҝөрүр ки, бу өлкәдә үздә милләтчилији шүар едән вә ишләрин идарәчилијини өһдәсинә алан, зәли кими бу милләтин ганыны соран ҹәрәјанлар Азәрбајҹан Республикасы халгынын һәгиги зат вә кимлијинин дүшмәнләридир. Сон ҝүнләрдә шәһид Һаҹы Гасим Сүлејманијә гаршы дүшмән мөвгеи тутан вә онун әлејһинә чыхыш едәнләрин ад вә сималары халг үчүн даһа артыг бәлли олду. Бу ад вә сималар Азәрбајҹан Республикасы халгынын јаддашында һәкк олмалы, сијаси јанашмаларда вә иҹтимаи истигамәтләрдә нәзәрә алынмалыдыр.