Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, АБШ мүдафиә назири М.Еспер Иранын ракет интигамында вердикләри тәләфатын мигдары барәдәки суала ҹаваб вермәкдән бојун гачырыб.
Бу барәдә CNN мүхбири Барбара Стар өз твиттер сәһифәсиндә јазыб.
О билдириб ки, мүдафиә назири Марк Еспер мүхбирин Иран Ислам Республикасынын Ејнул Әсәд базасына гаршы ракет һүҹумунда јараланмыш америкалы һәрбчиләрин сајы барәдәки суалыны ҹавабландырмагдан бојун гачырыб. Марк Еспер дејиб ки, бу рәгәрмләрдән хәбәрсиздир, амма барәсиндә мәлумат әлдә едә биләр вә бунлар, һаггында мәлумат вермәдијимиз мәсәләләрдир.
Гејд едәк ки, Иранын ракет интигамындакы тәләфаты ҝизләтмәјә чалышан террорчу АБШ президенти Доналд Трамп чәршәнбә ахшамы ҝүнү чыхыш едәрәк иддиа етди ки, Ејнул Әсәд базасындакы әсҝәрләрин алдыглары бәдән хәсарәтләри ҹидди олмајыб вә бу шәхсләрин бәзиләри башағрысына мүбтәла олублар (!).
Хатырладаг ки, 2020-ҹи ил јанварын 3-нә кечән ҝеҹә АБШ пилотсуз тәјјарәсиндән ендирилән дәгиг ракет зәрбәләри нәтиҹәсиндә ҝенерал Гасым Сүлејмани өлдүрүлүб. Террор әмәлијјаты Бағдад аеропорту јахынлығында АБШ Хүсуси Әмәлијјатлар үзрә Бирләшмиш Команданлығы USSOCOM тәрәфиндән һәјата кечирилиб. Террор әмәлијјатында пилотсуз тәјјарәләрдән истифадә олунуб вә ҝенерал Сүлејманинин дә олдуғу автомобил калонуна ракет зәрбәләри ендирилиб. Нәтиҹәдә Гасым Сүлејмани илә јанашы "Һәшд-Шаби"нин иҹтимаијјәтлә әлагәләр шөбәсинин рәһбәри Мәһәммәд Рза әл-Ҹабири вә "Һәшд-Шаби" тәшкилатынын командир мүавини Әбу Меһди әл-Мүһәндиси башда олмагла даһа једди нәфәр, уҹа шәһидлик мәгамына јүксәлибләр.
Билдирмәк лазымдыр ки, Ҝенерал Гасым Сүлејмани рәсми Бағдад тәрәфиндән Ирага дәвәт едилиб. Бу сәбәбдән дә Ҝенерал Гасым Сүлејмани, Әбу Меһди әл-Мүһәндис тәјјарә илә Суријадан Бағдада ҝәлибләр. Даһа сонра онлары апаран автомобил кортежи аерпорту тәрк едиб, амма чох кечмәдән аеропорт әразисиндә онлары Америка ракетләри һаглајыб. Ракетләрдән бири дүз ҝенерал Сүлејманинин олдуғу автомобилә дәјиб.
Иран Ислам Республикасы буна нисби ҹаваб олараг АБШ-ын Ирагдакы ики һәрби базасына ракет зәрбәләри ендириб. АБШ тәрәфи ағыр иткләр илә үзләшсә дә лакин ҹаваб аддым атмагдан чәкинир...
Диггәт: Хәбәрдән истифадә етдикдә мәнбәјә истинад лазымдыр!
