Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Алманија Хариҹи Ишләр назири Һајко Мас АБШ-ын тәһдидләринин вә һәрби гүввәләрини Гәрби Асијада чохалтмагла Иран Ислам Республикасынын бөлҝәдә јүрүтдүјү сијасәтини дәјишә билмәјәҹәјини дејиб.
Бу һагда Һајко Мас “Blid am Conntag” гәзетинә мүсаһибәсиндә дејиб. О, билдириб ки, хариҹдән тәсир нәтиҹәсиндә Иранда һакимијјәтин дәјишиләҹәји илә автоматик һадисәләрин јахшылашдыраҹағыны дүшүнмәк доғру дејилдир.
Алманија Хариҹи Ишләр назири тәһдид сијасәтини кәнара гојуб, данышыглара үз ҝәтирилмәјин ваҹиблијини вурғулајараг дејиб: “Авропа Иттифагы вәзијјәти ҝәрҝинләшдирмәк әвәзинә дипломатијаја үстүнлүк верир, Иранын нүвә програмы илә бағлы Һәртәрәфли Бирҝә Фәалијјәт Планыны дәстәкләјир. Биз мүтләг буна мане олмалыјыг.”
Хатырладаг ки, 2020-ҹи ил јанварын 3-нә кечән ҝеҹә АБШ пилотсуз тәјјарәсиндән ендирилән дәгиг ракет зәрбәләри нәтиҹәсиндә ҝенерал Гасым Сүлејмани өлдүрүлүб. Террор әмәлијјаты Бағдад аеропорту јахынлығында АБШ Хүсуси Әмәлијјатлар үзрә Бирләшмиш Команданлығы USSOCOM тәрәфиндән һәјата кечирилиб. Террор әмәлијјатында пилотсуз тәјјарәләрдән истифадә олунуб вә ҝенерал Сүлејманинин дә олдуғу автомобил калонуна ракет зәрбәләри ендирилиб. Нәтиҹәдә Гасым Сүлејмани илә јанашы "Һәшд-Шаби"нин иҹтимаијјәтлә әлагәләр шөбәсинин рәһбәри Мәһәммәд Рза әл-Ҹабири вә "Һәшд-Шаби" тәшкилатынын командир мүавини Әбу Меһди әл-Мүһәндиси башда олмагла даһа једди нәфәр, уҹа шәһидлик мәгамына јүксәлибләр.
Гејд едәк ки, Ҝенерал Гасым Сүлејмани рәсми Бағдад тәрәфиндән Ирага дәвәт едилиб. Бу сәбәбдән дә Ҝенерал Гасым Сүлејмани, Әбу Меһди әл-Мүһәндис тәјјарә илә Суријадан Бағдада ҝәлибләр. Даһа сонра онлары апаран автомобил кортежи аерпорту тәрк едиб, амма чох кечмәдән аеропорт әразисиндә онлары Америка ракетләри һаглајыб. Ракетләрдән бири дүз ҝенерал Сүлејманинин олдуғу автомобилә дәјиб.
Иран Ислам Республикасы буна нисби ҹаваб олараг АБШ-ын Ирагдакы ики һәрби базасына ракет зәрбәләри ендириб. АБШ тәрәфи ағыр иткләр илә үзләшиб...
Диггәт: Хәбәрдән истифадә етдикдә мәнбәјә истинад лазымдыр!
