Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Али Тәглид Мәрҹәси Ајәтуллаһ Мәкарим Ширази Әзәм Мәсҹидиндә тәдрис етдији "фигһ хариҹ дәрсинә" (фигһ елминин мәрузәләри) башламаздан өнҹә Аллаһ Тәалаја һәмд сәна етдикдән сонра дејиб: "Маршал Һаҹ Гасым Сүлејмани бир даһи шәхсијјәт иди. Инсанлар адәтән онун шүҹаәти һаггында данышырлар. Мән исә бурада онун ихласы һаггында бир ҹүмлә демәк истәјирәм."
Даһа сонра Ајәтуллаһ Мәкарим Ширази Маршал Сүлејмани барәсиндә бир әһвалат данышараг дејиб: "Сәрдар Сүлејмани ики-үч ил өнҹә мәним јаныма ҝәлмишдир. Сөһбәт битдкдән сонра јанындакылардан отағы тәрк етмәји хаһиш етди. Јолдашлары отағы тәрк етдикдән сонра өз кәфәнини чыхардыб она имза атмағымы истәди."
Ајәтуллаһ Мәкарим Ширази сонра бујурдулар: "Бу ону ҝөстәрир ки, әввәла шәһид Сүлејмани елә о вахтдан бәри шәһид олмаг фикриндә иди. Икинҹиси дә о истәмирди ки, кимсә онун кәфән ҝәтирдијини билсин. Бу һәгигәтән дә ихласын бариз нүмунәсидир. Вә тәрифә лајиг ихласдыр."
Диггәт: Хәбәрдән истифадә етдикдә мәнбәјә истинад лазымдыр!
