Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Иран Ислам Республикасынын Хүбрәган- Експертләр Мәҹлисинин сәдри Ајәтуллаһ Әһмәд Ҹәннәти Ислам Ингилабынын јени нәфәс алмасы, милли бирлијин мөһкәмләнмәси вә АБШ вә сионист әлејһинә һәрәкатларын јајылмасынын ҝенерал-лејтенант Гасым Сүлејманын шәһадәтинин бәрәкәтләриндән олдуғуну вурғулајыб.
Ајәтуллаһ Ҹәннәти билдириб: "Гүдс Гүввәләринин командири Сәрдар Гасым Сүлејманинин шәһид олмасы һамы үчүн бөјүк бир фаҹиә иди."
Ираг, Сурија, Әфганыстан кими бөлҝәләрин вә диҝәр халгларын бу ағрылы һадисәјә ҝөрә јас саладығыны сөјләјән Ајәтуллаһ Ҹәннәти билдириб: "Бу бөјүк командирин тәгвалы, сакит вә мәтанәти кими диҝәр мүсбәт хүсусијјәтләрә малик олмасы, ону бәнзәрсиз, мөмин вә мүҹаһид бир ветерана чевирмишдир."
Гәрби Асијадакы АБШ һәрби гүввәләринин бөлҝәни тәрк етмәси мәсәләсинин ҝүндәмдә өз јерини горудуғуну вурғулајан Ајәтуллаһ Ҹәннәти билдириб: "Бу, бөјүк шәһидин ганындан гајнагланан сонсуз бәрәкәтләриндән биридир."
Диггәт: Хәбәрдән истифадә етдикдә мәнбәјә истинад лазымдыр!
