Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Үмүдүнја Мүсәлманларынын Али Рәһбәри, Сејјид Әли Хаменеи һәзрәтләри бу ҝүн Ҹүмә Намазына рәһбәрлик едиб.
Заты Алиләри ҹүмә хүтбәсиндә АБШ һеҝемончулуғуна сон гојулмасына мүнасибәт билдирәрәк дејиб: “Јеҝанә гуртулуш јолу халгларын мүгавимәт ҝөстәриб, дүшмәндән горхмамаларындадыр.”
Имам Хаменеи һәзрәтләри ҹүмә намазынын икинҹи хүтбәсиндә әрәбдилли өлкәләр үчүн әрәб дилиндә данышараг вурғулајыблар: "Дүшмәнләр Ираг вә Иран халгы арасында ҝәрҝинликләр јаратмаг, фитнә илә Ирагдакы мүҹаһид гүввәләри мәһв етмәк, дахили мүһарибә јаратмагла өлкәни парчаламаг истәјирләр. Лакин бу ики шәһидин террор едилмәси онларын фитнәләрини зәрәрсизләшдирди.
Үмүдүнја Мүсәлманларынын Али Лидери икинҹи хүтбәсинин давамында Иранын бөјүк вә горхмаз ҝенералы һәмчинин Ирагын ихласлы, мүҹаһид вә фәдакар ҝенералынын АБШ президентинин ҝөстәриши илә террор едиләрәк шәһид едилмәсинә ишарә едәрәк билдириб: "Сәрдар шәһид Сүлејмани шүҹаәт илә, горхмадан Сурија вә Ирагда, дөјүш мејданларынын ән хәтәрли мәнтәгәләриндә ИШИД вә диҝәр террорчу гүввәләрә гаршы мүбаризә апарды. Террорчу гүввәләрин мәһвиндә ән әсаслы рол ојнады. Амма америкалылар онунла дөјүш мејданында үз-үзә ҝәлмәјә ҹүрәтләри чатмады. Одур ки, Ираг дөвләтинин рәсми дәвәти илә бу өлкәнин һава лиманында оларкән АБШ горхагҹасына ону террор етди. Онун вә јолдашларынын пак ганыны јерә ахытды. Иран Сепаһ гүввәләри буна ҹаваб верди вә онларын һејсијјәтини тапдалады. Лакин АБШ-ын ҹәзаландырылмасынын јолу бөлҝәдән чыхарылмасындадыр.”
Имам Хаменеи һәзрәтләри бөлҝә халгларынын Ислами гүдрәтләрини мадди гүдрәтләрә гәләбә чалаҹағына ишарә едәрәк бујурдулар: "Ислами ҝүҹ мадди ҝүҹләрин заһири ҝөркәминә зәрбә ендирә биләр. Иран узун мүддәтдә АБШ-ын хәбис планларынын гаршысында тәсир етмә ҝүҹүнә малик олмасы бөлҝәдә вә халгларын руһијәсиндә мүсбәт тәсирини гојуб. Одур ки, артыг реҝион халглары да ојаныб. Дин алимләри, университетләрин әмәкдашлығы елм вә технолоҝијаны инкишаф етдирәҹәк. Ислам өлкәләринин КИВ-ләри үмуми мәдәнијјәти формалашдыраҹаг.”
Диггәт: Хәбәрдән истифадә етдикдә мәнбәјә истинад лазымдыр!
