Бир иш ҝөрүн ки, ҹиһад вә мүгавимәт әһвал-руһиййәси ардыҹыл нәсилләрин гәти йолу олмуш олсун

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Һәзрәт Айәтуллаһулузма Хаменеи Бушеһр вилайәтинин ики мин шәһиди конгреси гәрарҝаһынын үзвләрилә ҝөрүшдә бу вилайәти һәссас вә һәрби ифтихарларла долу бир бөлҝә адландырыб вә белә әлавә едибләр: Бушеһр, мүстәмләкәчиләрин бу бөлҝәдәки иштиракларына ҝөрә, узун илләр Иран дүшмәнләринин тәһдиди илә үзләширди, амма дин алимләринин истигамәтләндирмәләри вә Рәисәли Делвари кими йүксәк дәрәҹәли шәһидләрин фәдакарлыглары илә бу һүҹумларын гаршысында гүдрәтлә дайанды.

Ислам Ингилабынын Бөйүк Рәһбәри Делвари, Мәһдәви, Ашури вә Ҝәнҹи кими танынмыш шәһидләрин Бушеһрдән айаға галхмасынын бу бөлҝәдә Ислам барәдә ингилабчы вә ҹиһад анлайышынын дәринлийини вә бу һәгигәтин мүхтәлиф нәсилләрдә тәкрар олдуғуну ҝөстәрдийини билдириб вә белә дейибләр: Бир иш ҝөрүн ки, бу шәһидләрин вә ҝөркәмли шәхсиййәтләрин хатирәси йени нәсилләрин йаддашында һәкк олмуш олсун.

О һәзрәт өлкә һүдудларынын мүдафиәчиси, мүбариз шәхсиййәт Рәисәли Делваринин тәҹавүзкар инҝилисләрлә мүбаризәдәки фәдакарлыгларына, һәмчинин Надир Мәһдәви кими бир шәхсиййәтдән бейнәлхалг бир мүбариз симанын тимсалында йүксәк мейарйаратма имканынын мөвҹуд олмасына ишарә едәрәк, вурғулайыблар: Тәәссүфләр олсун ки, бәзән һәтта бу ҝөркәмли шәхсиййәтләрин адлары белә, йени нәсилә таныш дейил. Һалбуки тәблиғат органлары ҹиһад фикрини бөйүк ҹиһад сималарыны нүмунә етмәклә ҝенишләндирмәли вә дәринләшдирмәлидирләр.

Һәзрәт Айәтуллаһулузма Хаменеи йеҝанә хилас йолу, шәһидләрин йолунун давам етдирилмәси олан бу реал дуйғуну әһатәли етмәйин ваҹиблийини вурғулайараг, әлавә едибләр: Бөйүк ҝүҹләрин тамаһ ҝөстәрдикләри Иран кими сәксән милйонлуг әһалиси, иглим мүхтәлифлийи, һәссас ҹоғрафи мөвгейи илә чешидли имканлара, мәдәнләрә вә енержийә малик олан бир өлкә өзүнү иш вә ҹиһадла идарә едә билмәлидир ки, онун иззәти тапдаг алтында галмамыш олсун. Әлбәттә, бу ҝүн Ислам Ингилабынын бәрәкәтинә, Иран халгы дайаныб, амма ҹиһад вә мүгавимәт әһвал-руһиййәсинин бүнөврәси елә гурулмалыдыр ки, ардыҹыл нәсилләрин гәти йолу олмуш олсун.

Ислам Ингилабынын Бөйүк Рәһбәринин 2020-ҹи ил йанварын 13-дә кечирилән Бушеһр вилайәтинин ики мин шәһиди конгреси гәрарҝаһынын үзвләрилә ҝөрүшдәки бәйанаты бу ҝүн сәһәр бу конгресин кечирилдийи мәканда йайылыбдыр.
...........
340