АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Алманийа, Инҝилтәрә вә Франса бу ҝүн Ағ Ев-ин анти-Иран сийасәтләрилә паралел сурәтдә вә Американын вә авропалы тәрәфләрин сәдагәтсизликләринә ишарә етмәдән иддиа едибләр ки, Иранын һәрәкәтләринә вә бу өлкәнин нүвә анлашмасындакы өһдәликләринә садиг олмамасына ҝөрә, мүштәрәк комиссийайа мүраҹиәт едирик.
Бу механизм елә бир просесдир ки, етапларын там шәкилдә кечиләҹәйи тәгдирдә, БМТ-нин Ирана гаршы санксийаларынын ҝери гайтарылмасына ҝедиб чыхаҹагдыр.
Иран Американын биртәрәфли шәкилдә нүвә анлашмасындан чыхмасынын ардынҹа анлашманы онун диҝәр тәрәфләринин өз өһдәликләринә әмәл етмәләри шәртилә горумаға чалышды. Амма тәгрибән ики илин кечмәсилә вә авропалы тәрәфләрин нүвә анлашмасындакы өһдәликләринә әмәл етмәкдә аҹиз галмаларына ҝөрә, Иранын игтисади бәһрәләнмәсини горумаг мәгсәдилә Теһран алтмышҝүнлүк бир заман кәсийиндә өз өһдәликләринин азалдылмасы үзрә аддымлар атмаға башлады.
Бу әсасда Иран йанварын бешиндә бир бәйанат йайараг, өз өһдәликләринин азалдылмасы үзрә бешинҹи вә сонунҹу аддымы атдығыны елан етди ки, она әсасән, Теһран зәнҝинләшдирмә һәҹми вә фаизи, зәнҝинләшдирилмиш маддәнин мигдары, арашдырма вә инкишафа шамил олан әмәлиййат саһәсиндә даһа һеч бир мәһдудиййәтә малик олмайаҹаг вә бундан сонра Иранын нүвә програмы йалныз өз техники еһтийаҹлары әсасында ирәлиләйәҹәк вә МАГАТЕ илә һәмкарлығы да өз гайдасында давам едәҹәк.
...........
340
15 yanvar 2020 - 10:01
Xəbər kodu: 1002588
Алманийа, Инҝилтәрә вә Франса, башга сөзлә, Авропа үчлүйү Брүсселдә бир бәйанат йайараг, нүвә анлашмасында ихтилафын һәлли механизмини фәал едибдир.
