АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасынын Хариҹи Ишләр Назирлийи бу бәйанатда бир даһа Инҝилтәрәнин баш назири, һәмчинин хариҹи ишләр вә мүдафиә назирләринин АБШ-ын Сепаһ-ын Гүдс гүввәләринин команданы ҝенерал-лейтенант Гасем Солейманини вә онун силаһдашларыны Ирагда шәһид етмәк үзрә сон террор һәрәкәтилә бағлы гәбуледилмәз ифадәләрини писләйиб. Вурғулайыб ки, Инҝилтәрә сәфиринин Теһранда дахили бир аксийадакы иштиракы Иранын дахили ишләринә ашкар мүдахилә олараг, дипломатик мүнасибәтләрә һаким кәсилмиш принсипләрә зиддир.
Бәйанатда һәмчинин Инҝилтәрә хариҹи ишләр назиринин дүнән Иран Ислам Республикасына гаршы даһа артыг санксийа тәтбиг етмәклә һәдәләмәсинә ишарә олунуб вә белә гейд едилиб: Айдындыр ки, Лондон тәһлүкәли һесабламалара әсасән, һәлә дә башында анти-Иран иллүзийалар доландырмагда, еләҹә дә реҝионда вә Иранла мүнасибәтләрдә ҝәрҝинлийин артырылмасы ардынҹадыр.
Иран Хариҹи Ишләр Назирлийинин бәйанатында сонра дейилир: Инҝилтәрәнин һөкмранлары билмәлидирләр ки, Ирана гаршы иттиһамлар һәмин режимин кор-коранә шәкилдә Американын ардынҹа ҝетмәси, Лондонун нүвә анлашмасындакы өһдәликләринин иҹрасында биабырчы тәрздәки аҹизлийи вә һәтта Инҝилтәрә мәһкәмәсинин һөкмүнә әсасән, өзүнүн Иран халгына олан йүз милйонларла фунт стерлинг борҹунун Америкадан горхуйа ҝөрә, ҝери гайтарылмасындан чәкинмәсини өрт-басдыр едә билмәз.
Иран Хариҹи Ишләр Назирлийи Инҝилтәрәнин Јахын Шәргдәки мүстәмләкәчилик кечмишини хатырладараг, әлавә едиб ки, бу өлкәнин сәфирләринин диҝәр өлкәләрин дахили ишләринә гарышмалары, тәфригә салмалары вә дахили гаршыдурмалары гызышдырмалары заманы баша чатыб вә Лондон бу кими биабырчы һәрәкәтләри кәнара гоймалыдыр.
Иран Хариҹи Ишләр Назирлийи Инҝилтәрәнин Теһрандакы сәфирлийи тәрәфиндән һәр ҹүр тәһрикедиҹи вә мүдахилә маһиййәтли һәрәкәтә тез бир заманда сон гойулмасыны истәйиб вә бу һагда хәбәрдарлыг едиб. Назирлик вурғулайыб ки, бу ҹүр һәрәкәтләрин давам едәҹәйи һалда, Иран Хариҹи Ишләр Назирлийи даһа сәфири чағырмагла кифайәтләнмәйәҹәкдир.
Инҝилтәрәнин Теһрандакы сәфири Роб Мак Ейр шәнбә ҝүнү ҝеҹә Теһрандакы Әмир Кәбир Университети гаршысындакы шүбһәли һәрәкәтләри тәшкилатландырдығына вә тәһрик етдийинә ҝөрә, гыса мүддәт сахланылыб вә сонра азад едилибдир. Шаһидләрин сөзләринә ҝөрә, Инҝилтәрәнин Теһрандакы сәфири етиразчыларла сөһбәт етмәк, шәкил вә филм һазырлмагла мәшғул имиш.
............
340
14 yanvar 2020 - 10:47
Xəbər kodu: 1002289
Иран Ислам Республикасынын Хариҹи Ишләр Назирлийи бир бәйанатда Инҝилтәрәнин Теһрандакы сәфиринин ганунсуз вә гейри-пешәкар һәрәкәтләри вә онун дахили бир аксийада шүбһәли иштиракы, еләҹә дә Лондонун диҝәр рәсмиләринин йерсиз сөзләрини писләйиб.
