Әһли-Бејт
(әлејһимус сәлам) Хәбәр Аҝентлији – АБНА: Франса президенти Еммануел Макрон Фәләстин
дөвләтинин танынмасынын артыг Парис үчүн табу олмадығыны сөјләјиб. О дејиб ки, Исраилин
мүхалифәти сәбәбијлә ики дөвләтли һәлл сәјләринин дајандырылаҹағы тәгдирдә Франса
бу мөвзуда мүстәгил һәрәкәт едә биләр.
Франсанын Фәләстини реал данышыглар олмадан биртәрәфли гајдада танымасы мејдан ситуасијасында дәјишлијә сәбәб олмаса да, лакин онун мүһүм символик вә дипломатик чәкиси олаҹаг.
Сионист режимин баш назири Бенјамин Нетанјаһу Фәләстинин суверенлијинә гаршы олдуғуну ачыглајыб вә билдириб ки, о, Исраилин Фәләстин әразиләриндә там тәһлүкәсизлијә нәзарәти мәсәләсиндә ҝүзәштә ҝетмәјәҹәк вә мүстәгил Фәләстин дөвләтинин јарадылмасынын әлејһинәдир.
2014-ҹү илдә франсалы ганунвериҹиләр өлкә парламентиндә өлкә һөкумәтини Фәләстини танымаға чағыран тәклифә сәс вердиләр, бу символик һәрәкәт Франсанын дипломатик мөвгејинә аз тәсир етди. Макронун бунунла бағлы ачыгламасы исә илк дәфәдир ки, Франса лидери белә бир чыхыш едир.
Иорданија кралы Абдуллаһы гонаг едән Макрон бунунла бағлы дејиб:
“Бөлҝәдәки тәрәфдашларымыз, хүсусилә Иорданија бу мәсәлә үзәриндә ишләјир вә биз бу истигамәтдә әмәкдашлыг едирик. Биз бу мәсәләдә Авропада вә Тәһлүкәсизлик Шурасында көмәк етмәјә һазырыг. Фәләстин дөвләтинин танынмасы табу дејил.”
Гејд едәк ки, әксәр инкишаф етмәкдә олан өлкәләр Фәләстини бир өлкә кими таныса да, Гәрби Авропа өлкәләринин әксәријјәти һәлә буну етмәјиб вә мүстәгил Фәләстин дөвләтинин Исраиллә данышыглар апарараг јардылмасы барәдә инадкарлыг едирләр; Бу арада Исраил исә бу мәсәлә илә бағлы һеч бир данышыглара разы дејил.
Диггәт: Хәбәрдән Истифадә Етдикдә Мәнбәјә Истинад Лазымдыр!