Азәрбайҹан Ислам Партийасы АБШ-ын сон террору илә бағлы бәйанат верди

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Азәрбайҹан Ислам Партийасынын АБШ-ын Ираг пайтахты Бағдадда төрәтдийи сон террору илә бағлы бәйанатында дейилир:

“Мүсәлман дүнйасыны сийаси-стратежи марагларына ачыг тәслим етмәк иддиасындан әл чәкмәйән Америка вә бу шәр гитәнин башында дуран ҹәлладлар дөвләт сәвиййәсиндә сон террорларыны һәйата кечиртдиләр. Иран ордусунун “Гүдс һәрби бригадасы”нын йенилмәз командири, мүсәлман дүнйасынын, Әһли-Бейт ашигләринин севимлиси, дүшмән һәмләләринә мәруз галан мәзлумларын пәнаһы вә хиласкары, Ислам дүнйасынын гәсбкарларыйла дөйүш сәһнәләринин өлмәз гәһрәманы Гасим Сүлеймани Америка террорунун нөвбәти һәдәфинә туш ҝәлди вә шәрәфли ШӘҺАДӘТ зирвәсини фәтһ етди.

Гасим Сүлеймани һәрби сәркәрдә кими Иран ордусунун дүшмәнләрлә вуруш мейданларынын ҹәсарәт вә шүҹаәт тарихиндәки силинмәз сәһнәләринә имза атды. Һәрби тәҹрүбәси, билийи шәхси ҹәсарәти илә тамамланан бу горху билмәйән мүҹаһид сәркәрдәнин хофу гаршысында дүшмән аҹиз галыб һәмишә. Һәрби тактикасы вә стратеҝийасы гәсбкарларын ҹәсарәтини мәһдудлашдырмаг мәҹбуриййәтиндә гойуб.

Бөйүк Ислам мәктәбинин йетирмәси Гасим Сүлеймани бәшәриййәтин зәрәрли дәстәләринә аман вермәдән мүгавимәтин нүмунәсини йашатды, давам етдирди вә йени зирвәләрә уҹалтды. Шәһадәти илә амансыз дүшмән үзәриндә гәләбәнин йолуна нур чиләди. Әминик ки, онун ганы йердә галмайаҹаг, бу бәшәри ҹинайәтин, ону һәйата кечирәнләрин ҹәзасы вериләҹәк. Инанырыг ки, Гасим Сүлейманинин гисасы мүсәлман торпагларына дәвәтсиз сохулмуш гәсбкар шәр гүввәләринә даһа ағыр вә сарсыдыҹы олаҹаг. Бу, АБШ-ын сон террору олаҹаг.Фәләстин, Сурийа, Әфганыстан, Јәмән, Ливийа, Ираг азадлыгсевәрләри ичәриләриндә артыг йүз минләр, милйонларла Сүлейманиләр йетишмишдир. Имам Һүсейнин (ә.с) шәһадәт мәктәбинин давамчысы раһат уйуйа биләр.

Азәрбайҹан Ислам Партийасы тәрәггипәрвәр бәшәриййәти, торпаглары ишғала мәруз галан хилгәтләри гәсбкарларла өлүм-дирим савашына чағырыр, Иран халгынын гәһрәман оғлунун өлүмү мүнасибәтилә Имам Заман (ә.ф.ш) башда олмагла мүсәлман дүнйасынын рәһбәри, Рәһбәр-Мүәззәм Сеййид Әли Хаменеи Ҹәнабларына, Әһли-Бейт ашигләринә вә бүтүн Иран халгына дәрин һүзнлә башсағлығы верир. Аллаһ рәһмәт еләсин”
.........
340