АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Ислам Ингилабы Кешикчиләри Корпусу- Сепаһ-ын Гүдс гүввәләринин команданы Гасем Солейманинин, Ирагын Һәшдушшәби тәшкилатынын рәис мүавини Әбу Мәһди Әлмуһәндисин вә диҝәр шәһид силаһдашлары илә видалашма мәрасими бу ҝүн Ираг халгынын ҝениш иштиракы илә Каземейн шәһәриндән башланыб.
Ираг халгынын истәйинә әсасән, тәҹавүзкар АБШ гүввәләринин ҹүмә ҝүнү Бағдад һава лиманынын йахынлығындакы террор һүҹуму шәһидләринин ҹәназәләри илә видалашма мәрасими Нәҹәф вә Кәрбәла шәһәрләриндә дә кечириләҹәк.
Иранлы шәһидләрин ҹәназәләри бу ҝүн ахшам Теһрана көчүрүләҹәк.
Ислам Ингилабы Кешикчиләри Корпусу- Сепаһ-ын иҹтимаи әлагәләр шөбәси дүнән ҝеҹә билдириб ки, ҝенерал Солеймани вә онунла йанашы шәһид оланларын пак ҹәназәләри илә видалашма мәрасими Ислами Ирана дахил олдугдан сонра йанварын беши сәһәр мүгәддәс Мәшһәд шәһәриндә, дүнйа шиәләринин сәккинҹи имамы Һәзрәт Әли ибн Муса Әл-Рза(ә)-ын илаһи вә нурлу бариҝаһынын әтрафында кечириләҹәк.
Һәмчинин Теһранда видалашма мәрасими йанварын алтысы сәһәр кечириләҹәк. Сонра бу үммәт вә вилайәт әсҝәринин пак ҹәназәси йанварын йеддисиндә Керманда мүшайиәт олунараг дәфн едиләҹәк.
..........
340
4 yanvar 2020 - 10:47
Xəbər kodu: 999203
Ислам Ингилабы Кешикчиләри Корпусу- Сепаһ-ын Гүдс гүввәләринин команданы Гасем Солеймани вә онун шәһид силаһдашлары илә видалашма мәрасими Ирагын Каземейн шәһәриндән башланыб.
