Әһли Бејт АБНА Хәбәр Аҝентлијинин вердији хәбәрә әсасән, Гум Елми Һөвзәсиндә тәһсил Алан Азәрбајҹан Республикасынын тәләбәләри АБШ террорчу режимин Һаҹ Гасим Сүлејманијә гаршы һәјата кечиртдији әмәлијјаты писләјибләр.
Редаксијамыза дахил олан бәјанаты сајтымызын һөрмәтли изләјиҹиләринә тәгдим едирик:
Бисми-Рәбби-Шүһәда
"Мөминләр ичәриләриндә еләләри дә вардыр ки, Аллаһа етдикләри әһдә садиг оларлар. Онлардан кимиси (бу јолда) шәһид олмуш, кимиси дә (шәһид олмасыны) ҝөзләјир. Онлар (вердикләри сөзү) әсла дәјишмәзләр."- Гурани Кәрим, Әһзаб сүрәси, ајә 23.
Јахын Шәргдә ИШИД, “Әл-Нусра”, “Әл-Гаидә” вә диҝәр террор бирликләри илә ән еффектив мүбаризә апаран ҝенерал Һаҹ Гасим Сүлејмани башда олмагла Ираг Халг Көнүллү Дәстәләринин командири Әбу Мәһди Муһәндиси вә онларла бир јердә олан забит вә әскәрләрин АБШ тәрәфиндән һәдәф алынмасы вә амансызҹасына гәтлә јетирилмәси бир бејнәлхалг террор актыдыр.
Милјонларла инсанларын һәјатыны хилас едән, Азәрбајҹан, Боснија, Фәләстин, Сурија, Әфганыстан, Јәмән, Ливија вә Ирагда мәзлумларын һарајына чатан, дүнја империалистләринә гаршы вурушан Ҝенерал Гасим Сүлејмани әлејһинә һазырланан террор һадисәси тәкҹә мөмин вә мүсәлманлары дејил бүтүн дүнја азадәләрини гәм дәрјасына гәрг етмиш вә о, Сәрдарын дүшмәнләриндән интигам алма һиссини гәлбләрдә аловландырмышдыр.
Биз Гум Елми Һөвзәсиндә тәһсил алан Азәрбајҹан Республикасынын руһаниләри бу хәбис террор олајы кәскин сүрәтдә мәһкум едир, Сәрдар Сүлејмани вә онунла бирҝә уҹа шәһидлик мәгамына јүксәлән јолдашларынын шәһадәтини башда Заманәнин Саһиби олан Имам Меһди (Аллаһ Онун шәрәфли ҝәлишини тезләшдирсин) һәзрәтләринә, Онун һагг наиби Имам Хаменеи ҹәнабларына, Али Тәглид Мәрҹәләринә, шәһидләрин аилә үзвләринә, Ислам Һәриминин Мүдафиәчиләринә, бүтүн дүнја азадәләринә башсағлығы верир вә бу шәһадәт мүнасибәти илә онлары тәбрик едирик.
Интигам Алан Аллаһдан АБШ вә сионист исраил режиминин тез бир заманда Имам Заман әскәрләринин әли илә мәһв едилмәсини диләјирик.
"Ким Аллаһа тәвәккүл етсә, (Аллаһ) она кифајәт едәр. Аллаһ Өз әмрини јеринә јетирәндир. Аллаһ һәр шеј үчүн бир өлчү (мүддәт) тәјин етмишдир." – Гуран Кәрим, Тәлаг сүрәси, ајә 3.
Аллаһ ҹәми шәһидләримизә рәһмәт етсин!
Гум Елми Һөвзәси
08.05.1441 Һ. Г
04.01.2020 М.
