АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Твиттер билдириб ки, екстремизми йаймаға, террор фәалиййәтләринә вә сәуд башчыларынын табелийиндә олмасына ҝөрә, Әрәбистана аид олан алты мин истифадәчи һесабыны бағлайыбдыр.
Твиттер вурғулайыбдыр ки, бағланмыш һесабларын бир чоху сәуд рәсмиләринә аид олубдур.
Твиттер-ин ачыгламасында дейилир: Бу һесаблар сәуд рәсмиләринә дәстәк истигамәтиндә олан месаж вә мәтләбләри мүбалиғә йолу илә йенидән нәшр едир, бәйәнир вә месажлара ҹавабы тәблиғ едирдиләр.
Твиттер билдириб ки, өз арашдырмаларында “Сәмаәт” ширкәтинә аид олан истифадәчи һесабламаларына чатыб вә онларын һамысыны бағлайыбдыр.
Бу ширкәт сәуд вәлиәһди Муһәммәд бин Салманын хүсуси офисинин мүдири Бәдр Әләскәрә вә Әһмәд Әлҹәбрейнә аиддир. Онларын икиси дә твиттер-дән ҹасуслугда иттиһам олунур.
Твиттер бу гәнаәтдәдир ки, сәудларын истифадәчи һесаблары Гәрбдә Ирана гаршы санксийалар үстүндә ирәли сүрүлән бәһсләр просесинә тәсир ҝөстәрмәйә чалышырлар.
Твиттер ширкәти бундан өнҹә дә диҝәр өлкәләрә гаршы медиа һүҹумуна ҝөрә, әмирликләрә вә Мисирә аид олан дөрд мин истифадәчи һесабыны силмиш вә йа дайандырмышды.
Әрәбистан өтән илләрдә “Етидал” ады алтында бир мәркәз йарадыб вә иддиа едир ки, бу мәркәз терроризмлә мүбаризә истигамәтиндә фәалиййәт ҝөстәрир, амма белә тәхминләр едилир ки, бу мәркәз даһа чох виртуал мүһитдә, хүсусән твиттер-дә екстремизми йаймаг вә сәудлары тәблиғ етмәклә мәшғулдур.
Әрәбистан вәһһабилик хүсусиййәт тәшкил етмәклә екстремист тәфәккүрләри йаймаг үчүн милйонларла доллар хәрҹ чәкир.
..........
340
23 dekabr 2019 - 10:36
Xəbər kodu: 995833
Твиттер сосиал шәбәкәси екстремизми йаймаға вә террор фәалиййәтләринә ҝөрә, минләрлә әрәбистанлы истифадәчинин һесабыны бағлайыб.
