АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сионист "Мәарив" гәзети бу репортажда гейд едиб ки, ишғал олунмуш әразиләрдәки йохсулларын сайы 2 милйон 306 мин нәфәрә, йәни сионистләрин тәгрибән 25%-нә чатыб. Бу мигдарын бир милйон нәфәрини 17 йашындан ашағы оланлар тәшкил едирләр.
Бу мәлумата ҝөрә, ишғал олунмуш әразиләрдә йохсуллуғун йайылмасынын амилләриндән бири, бу әразиләрдә үмуми сечкиләрин кечирилмәсиндән сонра назирләр кабинетинин тәшкил олунмамасына ҝөрә йаранмыш сийаси бөһран олубдур.
Бундан өнҹә сионист режим медиалары билдирмишдиләр ки, назирләр кабинетинин икинҹи дәфә тәшкил олунмамасы вә сон бир илдә Тәл-Әвив режиминин сийаси бөһраны, бу режимин сәһиййә вә мүалиҹә системини мәһволма учурумуна сүрүкләйибдир.
Сионист режимин башчысы Реувен Ривлин дә ҹүмә ҝүнү ҝеҹә етираф едибдир ки, бу режим дәрин сийаси бөһрандан әзиййәт чәкир. Бу бөһран коалисийа кабинетинин тәшкилиндә партийаларын уғурсуз галмаларынын мәһсулудур.
Ишғал олунмуш әразиләрин сакинләри бу ил апрелин 9-у вә сентйабрын 17-дә кнессет сечкиләри үчүн сечки мәнтәгәләринә ҝетдиләр, амма һәр ики дәфәдә партийаларын һеч бири диҝәр партийаларын разылығы илә өз коалисийа һөкумәтләрини тәшкил едә билмәди.
Ишғал олунмуш әразиләр елә бир һалда үчүнҹү сечкиләрә һазырлашыр ки, бу сечкиләрин дә бир кабинетин тәшкили илә нәтиҹәләнә биләҹәйи бәлли дейилдир.
...........
340
15 dekabr 2019 - 10:25
Xəbər kodu: 993997
Сионист "Мәарив" гәзети бир репортажда билдириб ки, 2 милйон 300 миндән чох сионист йохсуллуг һәддиндән ашағы сәвиййәдә йашайыр.
