АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Шурасы Мәҹлисинин сәдри Әли Лариҹани бу ҝүн Түркийәнин Анталийа шәһәриндә кечирилән Асийа Парламентләри Ассамблейасынын 12-ҹи иҹласынын кәнарында Түркийә парламентинин сәдри Мустафа Шентупла ҝөрүшдә әлавә едиб: Теһран-Анкара әлагәләри сон дәрәҹә достҹасына вә сәмимидир вә ики өлкә реҝиондакы бир чох олайларда, о ҹүмләдән сабит тәһлүкәсизликдә ортаг бахыша маликдир.
Түркийә парламентинин сәдри дә дейиб: Асийа Парламентләри Ассамблейасынын иҹласы Түркийә вә Иран дахил олмагла мүхтәлиф өлкәләрин ән өнәмли икитәрәфли мәсәләләр әтрафында фикир мүбадиләләри апармалары үчүн олдугҹа йахшы фүрсәтдир.
Иран Ислам Шурасы Мәҹлисинин сәдри Әли Лариҹани Асийа Парламентләри Ассамблейасынын 12-ҹи иҹласында иштирак етмәк мәгсәдилә шәнбә ҝүнү Түркийәйә сәфәр едиб.
Үмумдүнйа парламентләрарасы бирлийиндән сонра ән бөйүк ассамблейа сайылан Асийа парламентләри ассамблейасы 56 парламенти әһатә едир. Онларын арасындан 42 өлкә даими, 14 өлкә исә нәзарәтчи өлкәдир.
Иран Ислам Шурасы Мәҹлиси Асийа парламентләри ассамблейасынын банисидир вә онун даими катиблийи Теһранда йерләшир.
...........
340
15 dekabr 2019 - 10:05
Xəbər kodu: 993993
Иран Ислам Шурасы Мәҹлисинин сәдри дейиб ки, Иран вә Түркийә бөлҝәдә ики тәсиредиҹи вә мүһүм өлкәдир.
