АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Шурасы Мәҹлисинин сәдри Әли Лариҹани, шәнбә ҝүнү Асийа Парламентләри Баш Ассамблейасынын 12-ҹи иҹласында иштирак етмәк мәгсәдилә Түркийәйә ҝетмәздән өнҹә, мүхбирләр гаршысында дейиб; Сон бир нечә декадада Асийа өлкәләри елм вә технолоҝийа, игтисадиййат вә тиҹарәт саһәләриндә ҝөзәчарпаҹаг дәрәҹәдә сычрайышын шаһиди олублар вә сийаси мәсәләләрин һәллиндә еффектив аддымлар атыблар.
Ә.Лариҹани Асийа Парламентләринин 12-ҹи Баш Ассамблейасында елми вә сийаси әмәкдашлыглар үчүн механизмләрин йарадылмасына тохунараг, үмидварлыг едиб ки, бу форум мүасир әсрдә йени бир йанашма тәрзи илә Асийа өлкәләринин йахынлашмасы үчүн еффектив үсуллар тәгдим едәҹәк.
Иран парламентинин сәдри һәмчинин, Асийа Парламентләринин 12-ҹи Баш Ассамблейасыны үзв өлкәләр арасында ҝөрүшләрин кечирилмәси вә фикир мүбадиләси үчүн мүнасиб фүрсәт олдуғуну билдирәрәк, бу сәфәрдә Иран парламент һейәтинин Асийа Парламентләринин сәдрләри илә ҝөрүшәрәк, Иранын игтисади дурумунун йахшылашдырылмасы истигамәтиндә чалышаҹағындан хәбәр вериб.
Иран Ислам Шурасы Мәҹлисинин сәдри Әли Лариҹани мүхбирләр илә мүсаһибәдән сонра, бир парламент һейәтинин мүшайиәти илә Теһраны Түркийә истигамәтиндә тәрк едиб.
..........
340
Лариҹани әмәкдашлыгларын ҝенишләндирилмәсиндә Асийа Парламентләри Баш Ассамблейасынын ролуна тәкид едиб
14 dekabr 2019 - 10:48
Xəbər kodu: 993719
Иран Ислам Шурасы Мәҹлисинин сәдри Асийа Парламентләри Баш Ассамблейасынын әмәкдашлыгыарын ҝенишләндирилмәси вә әлагәләрин мөһкәмләндирилмәсиндәки өнәмини вурғулайыб.
